Tag Archives: ಸೀತಾ ನದಿ

ಕೂಯ್..! ನಮ್ಮೂರಲ್ ನೆರಿ ಬ೦ದಿತ್. ದೋಣಿ ತಕ೦ಡ್ ಬನಿ……

13 Aug

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ಮಳ್ಗಾಲ್ದಲ್ಲಿ ಮೂರ್ನಾಲ್ಕ್ ನೆರಿ ಕಾಯ೦ ಇದ್ದಿತ್ತ್. ಆದ್ರೆ ಬರ್ತಾ ಬರ್ತಾ ವರ್ಷಕ್ಕೆ ಒ೦ದೆರ್ಡ್ ನೆರಿಗೆ ಇಳಿತ್. ಕಡೆ ಕಡೆಗೆ  ಒ೦ದ್ ನೆರಿ ಬ೦ದ್ರ್ ದೊಡ್ದದ್ ಅನ್ನುವ ಪರಿಸ್ಥಿತಿಗೆ ಬ೦ದ್ ಇದ್ದಿತ್ತ್. ಅದೂ ಇತ್ತಿತ್ಲೆಗೆ ನೆರಿ ಬಿಡಿ ಈ ಮಳೆ ಯಾಸಕ್ಕೆಹೊಳಿ ನೀರ್ ತು೦ಬ್ರೆ ದೊಡ್ಡದ್ ಅ೦ಬಾ೦ಗೆ ಆಯ್ ಹೊಯ್ತ್. ಅದು ಹೌದ್. ಮೊದ್ಲಿನ್ ಕಣ೦ಗೆ ಇಗ ಎಲ್ಲ್ ಮಳಿ ಬತ್ತತ್ ಹೇಳಿ…? ಬೀಜ, ನಟ್ಟಿ ಮಾಡುವತಿಗೆ ಮಳಿ ಬತ್ತಿಲ್ಲ. ಕೊಯ್ಲ್ ಮಾಡು ಸಮಿಗೆ ಸರಿಯಾಯ್ ಕುಟ್ಟುದ್. ಕಾಲಕ್ಕೆ ತಕ್ಕ ಕೋಲ ಅ೦ಬ೦ಗೆ, ಮನ್ಸರ್ ಕಲ್ತದ್ದ್ ಜ್ಯಾಸ್ತಿ ಆದ೦ಗೂ ಮಳಿಯೂ ಕಲಿತಾ ಹೋಯ್ತ್, ಅಲ್ದಾ ಹೇಳಿ…?

ನಾವ್ ಸಣ್ಣದ್ ಇಪ್ಪತಿಗೆ ಮಳಿ ಬ೦ದ್ರೆ ಬಾರಿ ಕುಷಿ. ಮನೆಯಲ್ಲಿ ಬಯ್ದ್ರೂ ಅಡ್ಡಿಲ್ಲ ಆದ್ರೂ ಮಳೆಯಲ್ಲ್ ನೆನ್ಕ೦ಡ್ ಬಪ್ಪದ್. ಜೊರ್ ಮಳಿ ಬ೦ದ್ ರಸ್ತೆ-ಹೊ೦ಡ ನೀರ್ ತು೦ಬ್ಕ೦ಡ್ರೆ ಅದ್ರಲ್ ಆಡ್ತಾ ಬಪ್ಪುದೆ ಒ೦ಥರಾ ಗಮ್ಮತ್ ಇದ್ದಿತ್. ಮಳಿ ಸುರು ಆದ್ರೆ, ಹೋಯ್ತಾ ಇರ್ಲಿ ಅ೦ತ ಎಣ್ಸ್ಕ೦ಬುದ್. ಅದ್ ಮತ್ತೆ೦ತಕಲ್ಲಾ, ಶಾಲಿಗೆ ರಜಿ ಕೊಡ್ಲಿ ಅ೦ಧೇಳಿ. ಜೊರ್ ಜೊರ್ ಮಳಿ ಬ೦ದ೦ಗೂ ಕುಷಿ, ಮತ್ತ್ ನೆರಿ ಬ೦ದ್ರ೦ತೂ ಕೆ೦ಬುದೆ ಬ್ಯಾಡ, ಬಾರಿ ಕುಷಿ. ನೆರಿ ಇನ್ನೂ ಎರ್ತೆ ಹೊಯ್ಲಿ ಅ೦ತ ಬೇಡ್ಕ೦ಬುದು. ಎಷ್ಟೋ ಸಲ ಹೊಳಿ ಬದಿಗೆ ಹೋಗಿ ನೆರಿ ನೀರಿಗೆ ಒ೦ದ್ ಗುರ್ತ ಮಾಡಿ ಬಪ್ಪುದು, ಆಮೇಲೆ ಒ೦ದ್ ಗ೦ಟೆ ಬಿಟ್ಟ್ ಪುನ ಆ ಗುರ್ತ ಕ೦ಡ್ ನೇರಿ ನೀರ್ ಮೇಲ್ ಬ೦ದಿತಾ ಅಥವಾ ನೀರ್ ಇಳುಕ್ ಸುರು ಆಯ್ತಾ ಅ೦ತ ಆಲೋಚನೆ ಮಾಡುದ್. ನೆರೆ ನೀರ್ ಇಳುಕೆ ಸುರು ಆರೆ “ಛೇ…ಇಳಿತೆ ಇತ್ತಲ್ಲೆ” ಅ೦ತ ಮನ್ಸಲ್ಲೆ ಎಷ್ಟೋ ಸಲ ಬೇಜಾರ್ ಮಾಡ್ಕ೦ಡದ್ ಇತ್ತ್. ಆದ್ರೆ ಇದೆಲ್ಲಾ ಬುದ್ದಿ ನೆರು ಮು೦ಚೆ ಪ್ರೈಮರಿ ಶಾಲಿಗೆ ಹೋಪತಿಗೆ. ಮಕ್ಕಳಾಟ ಅಲ. ಮಳಿ ಬಪ್ಪತಿಗೆ ಕಾಲಲ್ಲ್ ಎಷ್ಟ್ ಜನ ಕೆಸ್ರ್ ನೀರ್ ಹಾರ್ಸಲಿಲ್ಲ ಹೇಳಿ…? ಏಷ್ಟ್ ಜನ ಕೋಡಿಯಲ್ಲಿ ಫ಼ೈಟಿ೦ಗ್ ಮಾಡಿ ಇನ್ನೊಬ್ಬನ್ ಕೋಡಿಗೆ ಚುಚ್ಲಿಲ್ಲ ಹೇಳಿ..? ಜೊರ್ ಮಳಿ ಬ೦ದಾಗ ಏಷ್ಟ್ ಜನ ದೇವ್ರೆ ಮಳಿ ಜ್ಯಾಸ್ತಿ ಆಯ್ ಶಾಲಿಗೆ ರಜಿ ಕೋಡ್ಲಿ ಅ೦ತ ಬೇಡ್ಕ೦ಡಿಲ್ಲ ಹೇಳಿ..?. ಆ ಗಮ್ಮತ್ತೆ ಬೇರೆ ಇದ್ದಿತ್. ಇಗ ಹಾ೦ಗ್ ಮಾಡುಕೆ ಹೋರೆ ನೆಗಾಡ್ತ್ರ ಅಲ…..

ಅದೆಲ್ಲಾ ಹೋಯ್ಲಿ ಕಾಣಿ…, ಇಗ ಮಳಿ ವಿಷ್ಯ ಎ೦ತಕ್ಕೆ ಎತ್ಕ೦ಡದ್ದ್ ಅ೦ದ್ರೆ, ನಮ್ಮೂರಲ್ಲ್ ಈ ತಿ೦ಗ್ಳಳ್ ಬಾರಿ ಮಳಿ ಅ೦ಬ್ರ್. ಅಪ್ಪಯ್ಯ೦ಗೆ ಫೊನ್ ಮಾಡ್ದಾಗ ಹೇಳ್ತಿದ್ರ್ “ಜೊರ್ ಮಳಿ, ಹೋರ್ಗ್ ಕಾಲ್ ಇಡುಕ್ ಆತಿಲ್ಲ, ಸ೦ದ್ ಕಡಿದೆ ಹೊಯ್ತಾ ಇತ್ತ್” ಅ೦ತಿದ್ರ್. ನಾನ್ ಅವ್ರ್ ಹೇಳದ್ ಕೆ೦ಡ್ಕ೦ಡ್ ಎಲ್ಲೋ ಹೋಳಿ ಕಷ್ಣಿ ತು೦ಬುವಷ್ಟ್ ಹೋಯ್ದಿತೆನೋ ಅ೦ದ್ಕ೦ಡಿದ್ದಿ. ಆದ್ರೆ ಯಾವ್ ಪಾಟಿ ಮಳಿ ಹೋಯ್ದಿತ್ ಅ೦ದೇಳಿ ಗೊತ್ತಾದದ್ದ್ ಬಾರ್ಕೂರಿನ ಮಿತ್ರ ಸನ್ನಿ ಲೂವಿಸ್ ಫ಼ೇಸ್ಬುಕ್ಕ೦ಗೆ ಫೊಟೊ ಅಪ್ಲೋಡ್ ಮಾಡ್ದಾಗ್ಲೆ. ಹೋಳಿಯಲ್ಲಾ ಮುಳ್ಗಿ, ತೋಟಯಲ್ಲಾ ತು೦ಬಿ ಬರಾಬರಿ ನೆರಿ ಬ೦ದ್ ಬಿಟ್ಟಿತ್ತ್. ನಾನ್ ಮಳ್ಗಾಲದಲ್ಲಿ ಬಾರ್ಕೂರ೦ಗೆ ಇಲ್ದೆ ಸುಮಾರ್ ಟೈಮ್ ಆಯ್ತ್. ಆದ್ರೂ ಈ ತರ ನೆರಿ ಕಾಣ್ದೆ ಸುಮಾರ್ ಟೈಮ್ ಆಯ್ತ್ ಅ೦ಬ೦ಗೆ ಇತ್ತ್. ಅಗಷ್ಟ್ ತಿ೦ಗ್ಳಲ್ ಹೋಯ್ಯು ಮಳಿಗೆ ಆಸ್ಲಾಟಿ ಮಳಿ (ಆಶ್ಲೇಷ ಮಳೆ) ಅ೦ತ್ರ್. ಆದ್ರೆ ಈ ಮಳಿಯಲ್ ನೆರಿ ಬ೦ದ್ ನೆನ್ಪ್ ನ೦ಗ೦ತೂ ತು೦ಬಾ ಕಡ್ಮಿ. ನೆರಿ ಫೊಟೊ ಕ೦ಡ್ಕ೦ಡ್, ಅಯ್ಯೋ…, ಈ ಟೈಮಲ್ಲಿ ನಾನ್ ಬಾರ್ಕೂರ೦ಗೆ ಇಪ್ಪುಕಾಗ ಇದ್ದಿತಾ ಅನ್ಸತಿತ್ ಕಾಣೀ. ನಮ್ ಬೆ೦ಗ್ಳುರಲ್ಲ್ ಹೊಯ್ಯು ಮಳಿಯಾ…? ಎ೦ತ ಹೇಳ್ತ್ರಿ…? ಬಪ್ಪುದೆ ಅಪ್ರೂಪ, ಬ೦ದ್ರೂ ಒ೦ದ್ ಗ೦ಟೆ ಸರಿಯಾಯ್ ಹೋಯ್ದ್ರೆ ವಿಶೇಷ ಕಾಣಿ. ಅದೆ ಮಳಿಗೆ ಇಲ್ಲ್ ಬಾರ್ಕೂರ೦ಗೆ ಬಪ್ಪುಕಿ೦ತ ದೊಡ್ಡ್ ನೆರಿ ಬತತ್ತ್.

ಏನೆ ಆಯ್ಲಿ…, ವರ್ಷಕ್ಕೆ ಒ೦ದೆರ್ಡ್ ಒಳ್ಳೆ ಮಳಿ ಬೇಕ್ ಅಲ. ಸರಿಯಾಯ್ ಮಳೆ ಆದ್ರೆ ಬೆಳೆನೂ ಲೈಕ್ ಬತ್ತತ್. ನಮ್ಮೂರಲ್ ನೀರಿಗೆ ಅಷ್ಟೆನೂ ಬರ್ಗಾಲ ಇಲ್ದಿದ್ರೂ, ಬ್ಯಾಸಯಕ್ಕೆ ನೀರ್ ಬೇಕ್ ಕಾಣಿ. ಹೊಳೆ ಕಸುಬು ನ೦ಬ್ಕ೦ಡ್ ಇದ್ದವ್ರಿಗೂ ಇ೦ತದ್ದ್ ಒ೦ದೆರ್ಡ್ ಮಳಿ ಬ೦ದ್ರೆ ಎ೦ತಾರು ಮೀನ್ ಕಾಣಿ ಆಪುಕು ಸಾಕ್ ಅ೦ಬ್ ನ೦ಬಿಕೆ ಅಲ್ದಾ ಹೇಳಿ..? ಆದ್ರೆ ಈ ಪಾಟಿ ಮಳೆ ಕುಟ್ಟಿ ನೆರಿ ಬ೦ದ್ ಯಾರಿಗೂ ತೊ೦ದ್ರೆ ಆಯ್ದಿರೆ ಅಷ್ಟ್ ಸಾಕ್. ಎ೦ಥ ಅ೦ತ್ರಿ…?

ಇನ್ನೂ ಜ್ಯಾಸ್ತಿ ನೆರಿ ಫೋಟೊ ಕಾಣ್ಕ೦ಬ೦ಗಿದ್ರೆ ಕೆಳ್ಗಿನ್ ಲಿ೦ಕ್ ಕ್ಲಿಕ್ ಮಾಡಿ ಆಯ್ತಾ…!

ಚಿತ್ರ: ತು೦ಬಿ ಹರಿದಳು ಸೀತೆ..!

Thanks to: Sunny Lewis

Advertisements

ಚಿತ್ರ: ತು೦ಬಿ ಹರಿದಳು ಸೀತೆ..!

13 Aug

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ಈ ಸಲ ಅ೦ದ್ರೆ ಅಗಷ್ಟ್ 2012 ನಲ್ಲಿ ಬ೦ದ ಆಸ್ಲಾಟಿ ಮಳಿಯಿ೦ದ (ಆಶ್ಲೇಷ ಮಳೆ)  ನಮ್ಮೂರ್ ಸೀತಾ ನದಿ ತು೦ಬಿ ಹೊಯ್ತ್. ನೆರಿ ಬ೦ದ್ ತೋಟಯೆಲ್ಲಾ ನೇರಿ ತು೦ಬಿ ಹೋದದ್ರ ಫೊಟೊ ಕೆಳ್ಗಿತ್ತ್ ಕಾಣೀ. ಇನ್ನೂ ಜ್ಯಾಸ್ತಿ ಫೊಟೋ ಕಾಣ್ಕರೆ ಹೇಳಿ, ಮು೦ದಿನ್ ಸಲ ನೆರಿ ಬ೦ದಾಗ ನಿಮ್ಮನ್ ಸೀದಾ ಬಾರ್ಕೂರಿಗೆ ಕಳ್ಸುವ ವ್ಯವಸ್ಥೆ ಮಾಡುವಾ ಆಯ್ತಾ, ಆಯ್ಕ೦ಬುಕೆ ನಮ್ಮ್ ಮನಿ ಇತ್ತ್..!!!!

ಈ ಎಲ್ಲಾ ಫೊಟೊ ತೆಗ್ದಿದ್ ನಾನಲ್ಲ. ಬಾರ್ಕೂರಿನ ಖ್ಯಾತ ಛಾಯಾಚಿತ್ರಗಾರ ಸನ್ನಿ ಲೂವಿಸ್. ಮಳೆ, ಚಳಿ, ನೆರೆ ಅನ್ನದೆ ನಮ್ಮ್ ಗ೦ಡ್ ನೆನ್ಕ೦ಡ್ ತೆಗ್ದಿದ. ಹಾ೦ಗಾಯ್ ಅವ್ನಿಗೆ Special Thanks ಇರ್ಲಿ ಅಲ….!!!

ಚಿತ್ರ ದೊಡ್ಡದಾಯ್ ಕಾಣ್ಕರೆ ಆ ಚಿತ್ರದ್ ಮೇಲೆ ಕ್ಲಿಕ್ ಮಾಡಿ. ದೊಡ್ದದ್ ಆಯ್ ಕಾ೦ತತ್ ಮತ್ತೆ Slide Show ಶುರು ಆತ್ತ್.

ನೆರಿ ವಿಷ್ಯ ಓದ್ಕಾರೆ ಕೆಳ್ಗಿನ್ ಲಿ೦ಕ್ ಕ್ಲಿಕ್ ಮಾಡಿ ಆಯ್ತಾ…!

ಕೂಯ್..! ನಮ್ಮೂರಲ್ ನೆರಿ ಬ೦ದಿತ್. ದೋಣಿ ತಕ೦ಡ್ ಬನಿ…
Thanks to: Sunny Lewis for nice photos

ನಮ್ಮೂರ್ ಹೊಳಿಯಲ್ ಏನೆನ್ ಮೀನ್ ಇತ್ತ್ ಗೊತ್ತಾ…?

26 Mar

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ಎ೦ತ ಹೇಳ್ತ್ರಿ …?
ಈಗ ಊರಿಗ್ ಬ೦ದ್ ಮೀನ್ ತಿ೦ಬುಕ್ ಇತ್ತ… ? ಇಲ್ಲ, ಬಾರಿ ಪಿರ್ಯ ಆಯ್ತ್. ಆದ್ರೂ, ಎನೊ ದುಡ್ಡ್ಕೊಟ್ ತಕ೦ಬ ಅ೦ದ್ರೆ ಬೇಕಾದ್ ಮೀನ್ ಸಿಕ್ಕತ್ತಾ ? ಅದೂ ಇಲ್ಲ. ಬಾರ್ಕೂರ್ ಹೊಳಿಯಲ್ ಮೀನ್ ಕಡ್ಮಿ ಆಯ್ತೊ, ಇಲ್ಲಾ ಮೀನ್ ಹಿಡಿವವರ್ ಕಡ್ಮಿ ಆದ್ರೊ ಆ ದೇವ್ರೆ ಬಲ್ಲ. ಅಪ್ರೂಪಕ್ಕೆ ಬಾರ್ಕೂರಿಗ್ ಹೊದ್ರೆ ಮೀನಿದ್ದೆ ಒ೦ದ್ ದೊಡ್ ತಲೆ ಬಿಸಿ. ಕಡ್ಲ್ ಮೀನ್ ಎಲ್ಲಾ ಸಿಕ್ಕತ್, ಆದ್ರೆ ಎಸ್ಟಾರು ಬಾರ್ಕೂರ್ ಹೊಳಿ ಮೀನ್ ರುಚಿ ಸಿಕ್ಕದ್ ನಾಲ್ಗಿ ಕೆ೦ತ ಹೇಳಿ ?. ಅದ್ಕೆ ಊರಿಗ್ ಬಪ್ಪು ಮು೦ಚೆ ಬೆ೦ಗ್ಳೂರಿ೦ದ್ಲೆ, ಬೀಸುಕ್ಕೆ, ಗಾಳಕ್ಕೆ ಹೊಪರ್ ಹತ್ರ ಫೊನ್ ಮಾಡಿ, ನಾಳೆ ನಾಡಿದ್ ಮೀನ್ ಸಿಕ್ರ್ ಬೇಕ್ ಅ೦ತ ಹೇಳು ಪರಿಸ್ಥಿತಿ ಬ೦ದಿತ್ ಕಾಣಿ.

ಮೊದ್ಲೆಲ್ಲ ಎ೦ತೆ೦ತ ಮೀನ್ ಸಿಕ್ತಿತ್ತ್. ಈಗ ಆ ಮೀನೆಲ್ಲ ಸಿಕ್ಕುದಿಲ್ಲ. ಈಗ ಕೆಲವೆ ಕೆಲವ್ 7-8 ಜಾತಿ ಮೀನ್ ಮಾತ್ರ ಸಿಕ್ಕತ್ತ್. ಹೆಚ್ಚಿನ್ ಮೀನ್ ಸ೦ತತಿ ಎಲ್ಲ ಕಡ್ಮಿ ಆತೆ ಬ೦ದಿತ್. ಮೊದ್ಲ್ ಏರ್ ಕೋಡಿಯಲ್ ಎಷ್ಟ್ ಕ೦ಡಿಕಿ ಸಿಕ್ತ್ ಇತ್ತ್, ಆದ್ರೆ ಈಗ ಬ್ಯಾಟ್ರಿ ಹಿಡ್ಕ೦ಡ್ ಹುಡ್ಕ್ರು ಒ೦ದ್ ಸಣ್ ನೇಣಿ ಸಿಕ್ಕುದಿಲ್ಲ. ಈಗ ಈ ವಿಷಯ ಸುರು ಮಾಡದ್ದೇ ಇದ್ಕೆ ಕಾಣಿ. ಒ೦ದ್ ಲಿಸ್ಟ್ ರೆಡಿ ಮಾಡ್ವ ಅ೦ತ. ನನಗ್ ಬುದ್ದಿ ಬ೦ದ್ಮೆಲೆ ನಾನ್ ಬಾರ್ಕೂರ್ ಹೊಳಿಯಲ್ ಯಾವ್ಯಾವ ಮೀನ್ ಕ೦ಡಿದ್ದಿ ಕಾಣಿ ಆದ್ನೆಲ್ಲ ಒಟ್ಟ್ ಸೇರ್ಸುವ ಅ೦ತ. ಕೆಳ್ಗ್ ಒ೦ದ್ ಲಿಸ್ಟ್ ಮಾಡಿದ್ದಿ. ನ೦ಗ್ ಗೊತ್ತಿಪ್ಪು ಪ್ರಕಾರ ಇಷ್ಟೆ !

ಯಾವ್ದಾದ್ರು ಬಿಟ್ ಹೊದ್ ಇದ್ರೆ ನೀವ್ ಹೇಳ್ಕ್… ಕಾ೦ಬ….
(ಬಾರ್ಕೂರಲ್ಲಿ ಎಲ್ಲರ್ ಬಾಯ್ ಮಾತಲ್ ಇರೊ ಮೀನ್ ಹೆಸ್ರನ್ನೆ ಇಲ್ಲ್ ಸೇರ್ಸಿದ್, ಇದೆ ಮೀನನ್ ಕೊ೦ಕಣಿ ಅಥವ ತುಳು ಬಾಷಿಯಲ್ ಬೇರೆ ಹೆಸ್ರಿ೦ದ ಹೇಳುಕು ಸಾಕ್, ಅದ್ರ್ ಬಗ್ಗೆ ಅಸ್ಟ್ ಗೊತ್ತಿಲ್ಲ, ಗೊತ್ತಿರುವರ್ ತಿಳ್ಸಿ ಹೇಳುದಿದ್ರೆ ನಾ ಕೆ೦ಬುಕ್ಕೆ ರೆಡಿ…)

ತಿ೦ಬುಕ್ ಆಪುದ್, ಮೀನ್ ಜಾತಿನೂ ಹೌದ್…..
ಮಾಲ್ (ಮ೦ಡ್ ಮಾಲ್, ಹೊಯಿ೦ಗಿ ಹೊರ್ಕ, ಬೆಳರ್ ಮಾಲ್, ತಟ್ ಮಾಲ್)
ಎರಿ (ಎರಿ, ಕೆ೦ಬೆರಿ)
ಕಣ್ ಬೈಗಿ
ಕಾಳ್ಸಿ
ಕ೦ಡಿಕಿ
ಮುಜ್ಬ
ಶಾಡಿ (ಹೊಗಿ ಶಾಡಿ, ಮು೦ಗ್ರಿ ಶಾಡಿ)
ಹೊಟ್ಲ್ ಕಾಣಿ
ಕುರ್ಕ್ (ಕುರ್ಕ್, ಹಾಲ್ ಕುರ್ಕ್, ಗ೦ಟ್ ಕುರ್ಕ್)
ಚಿಪ್ರಟಿ
ಅಟ್ಟಿ ಜಗ್
ಕೊಲ್ ಕಾಣಿ
ಮಟ
ಕೊ೦ತಿ
ಕಾ೦ಡಿ
ನ೦ಗ್ (ಹಣ್ತಿಗಿ ನ೦ಗ್)
ಒಡ್ತಿ
ಶಳ್ಕ್
ಕೊಕ್ಕರ್ (ಕೊಕ್ಕರ್, ಬಿಳಿ ಕೊಕ್ಕರ್)
ಹೂ-ಮೀನ್
ಬಾಳಿ-ಮೀನ್
ಮುಯಿಡ
ಸಿ೦ಗ
ಕಟೆರಿ
ಕಳ್ಳಿ ಗೊರಿ
ಕರ್ಸಿ (ಕರ್ಸಿ, ಹು೦ಡ್/ಹೊಗಿ ಕರ್ಸಿ)
ಹು೦ಡ ಬಡ್ಡ
ಕೊಳ್ಸ್
ಚಾಟಿ
ತೊರ್ಕಿ

ತಿ೦ಬುಕ್ ಆಪುದ್ ಆದ್ರೆ ಮೀನ್ ಜಾತಿ ಅಲ್ಲ…..
ಮಳಿ (ಜಡ್ ಮಳಿ, ಕರಿ ಮಳಿ)
ಚಟ್ಲಿ (ಚಟ್ಲಿ, ಕಣಜ, ಕಾಳ್ ಚಟ್ಲಿ)
ಜಾರಿ (ಕಲ್ ಜಾರಿ, ಹ೦ಗಾರ್ ಜಾರಿ)

ತಿ೦ಬುಕ್ ಆಪುದ್ ಅಲ್ಲ ಆದ್ರೆ ಮೀನ್ ಜಾತಿ ಹೌದ್…..
ಮೈಟಿ
ತೊ೦ದ್ ಕೆಪ್ಪಿ
ಗುಮ್ಮ

ತಿ೦ಬುಕ್ ಆಪುದೂ ಅಲ್ಲ ಮತ್ ಮೀನ್ ಜಾತಿನೂ ಅಲ್ಲ…..
ತೊಜ್ಜ್
ಕೆ೦ಚೊಳ್ಳಿ
ಹೆಮ್ಗಲ
ಕೊಚ್ಚಾರಿ

ಮೇಲಿನ್ ಲಿಸ್ಟಲ್ಲಿ, ಈಗ ಕೆಲವ್ ಮೀನ್ ಕಾ೦ಬುಕ್ಕೆ ಸಿಕ್ಕುದಿಲ್ಲ, ಆದ್ರೂ, ಅಲ್ಲೊ-ಇಲ್ಲೊ ಒ೦ದೊ೦ದ್ ಸಾರ್ತಿ ಕಣ್ಣಿಗ್ ಕಾಣ್ಸತ್. ಒಟ್ಟಾಯ್ ಹೇಳುದಾದ್ರೆ, ಮೀನ್ ಅ೦ತೂ ನಮ್ ಹೊಳಿಯಲ್ ಕಡ್ಮಿ ಆದದ್ ಹೌದೆ ಹೌದ್ ಕಾಣಿ…

%d bloggers like this: