Archive | ನ೦ಗ್ ಅನ್ಸಿದ್ RSS feed for this section

ಮುಗಿಲ ಮಾರಿಗೆ…..

22 Mar

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ಪ್ರತಿ ಬಾರಿ ಸ೦ಜೆಯೆಲಿ ಎನೊ ಒ೦ದನ್ನು ಕ್ಲಿಕ್ಕಿಸಿದಾಗ, ತಟ್ಟನೆ ಬ೦ದು ಅಧ್ಹೇಗೆ ಬೇ೦ದ್ರೆಯವರು ಕಾಡುತ್ತರೋ ನನಗೆ ತಿಳಿಯದು…ಗ್ಯಾಲರಿಯಲ್ಲಿ ಚಿತ್ರ ನೋಡು ನೊಡುತ್ತಲೆ ನಾಲಿಗೆ ತುದಿಯಲ್ಲಿಯೆ ವರಕವಿಯ ಲೇಖನಿ ಕುಣಿಯುತ್ತಿರುತ್ತದೆ..!

ಮುಗಿಲ ಮಾರಿಗೆ ರಾಗ ರತಿಯ ನಂಜ ಏರಿತ್ತ, ಆಗ ಸಂಜೆ ಆಗಿತ್ತ ||
ನೆಲದ ಅಂಚಿಗೆ ಮಂಜಿನ ಮುಸುಕು ಹ್ಯಾಂಗೋ ಬಿದ್ದಿತ್ತ….ಗಾಳಿಗೆ ಮೇಲಕ್ಕೆದ್ದಿತ್ತ……!

10153254_774383926011660_3446472714189571318_n

ಬೆಳಕು…!!!

31 Oct

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ಬೆಳಕು
ಹುಡುಕುವ
ಚಿನ್ಮಯ
ಕ೦ಗಳಿಗೆ
ಅನುದಿನವೂ
ದೀಪಾವಳಿಯಾಗಲಿ..

ಆರದ
ಹಣತೆಯ
ನಿಮ್ಮಯ
ಬದುಕಿಗೆ
ಹರುಷವೇ
ಬಳುವಳಿಯಾಗಲಿ….

397479_651053718344682_3011624845531877485_n

ಬತ್ತಿಯು ತನ್ನನ್ನೆ ತಾನು ದಹಿಸಿ ಬೆಳಕನ್ನು ನೀಡುವ೦ತೆ, ನಾವು ನಮ್ಮ ಅಜ್ನಾನ-ಅಸೂಯೆಗಳ ದಹಿಸುತ್ತಾ ಶಾ೦ತಿ-ಸ್ನೇಹವೆ೦ಬ ಅರಿವಿನ ಬೆಳಕನ್ನು ನಮ್ಮಲ್ಲಿ ನಾವು ಕಾಣುವ…..!! ಸರ್ವರಿಗೂ ದೀಪಾವಳಿಯ ಶುಭಾಶಯಗಳು…..!!

ನಮ್ಮೂರ ಸೊಬಗು ! ವ್ಯೋಮ ಎರೋಸ್ಪೇಸ್ ಕಣ್ಣಿನಲ್ಲಿ…!

7 Oct

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ನಮ್ಮೂರು ನಮಗೆ ಯಾವಾಗಲೂ ಅ೦ದ ಚೆ೦ದಾನೇ…..! ಅಲ್ಲಿನ ಮರ ಗಿಡ, ರಸ್ತೆ, ಮನೆ, ಅದೆ ಹಳೆ ಕಟ್ಟಡಗಳು, ದೇಗುಲಗಳು, ಎಲ್ಲವೂ ಅಪ್ಯಾಯಮಾನ ಅನಿಸುತ್ತದೆ. ಹುಟ್ಟಿದೂರಿನ ಸೊಬಗನ್ನು ಕಾಣುವುದೆ ಕಣ್ಣುಗಳಿಗೆ ತ೦ಪು. ಊರಿನ ಹಲವು ಫೋಟೊಗಳನ್ನು ಸರ್ವೆ ಸಾಮಾನ್ಯವಾಗಿ ನಾವು ಎಲ್ಲರೂ ಕ್ಲಿಕ್ಕಿಸಿರುತ್ತೇವೆ. ಈಗ೦ತೂ ಸೆಲ್ಫಿ ಯುಗ. ಹಾಗಾಗಿ ಊರಿನ ಸ್ಥಳಗಳ ಮು೦ದೆ ನಿತು ಸೆಲ್ಫಿಗಳನ್ನು ಕ್ಲಿಕ್ಕಿಸುವುದು ಸಾಮಾನ್ಯದ ವಿಷಯವಾಗಿದೆ. ಅಲ್ಲದೆ ಕೆಲವು ವೃತ್ತಿಪರ, ಹವ್ಯಾಸಿ ಫೋಟೊಗ್ರಾಫರ್‍ ಗಳು ನಮ್ಮೂರಾದ ಬಾರ್ಕುರಿನ ಸು೦ದರ ಫೊಟೊಗಳನ್ನು ಈಗಾಗಲೆ ಅ೦ದ ಚೆ೦ದವಾಗಿ ಸೆರೆಹಿಡಿದಿದ್ದಾರೆ. ಅದೂ ಅಲ್ಲದೆ ನಮ್ಮೂರು ಬಾರ್ಕೂರಿನಲ್ಲಿ ಪ್ರೇಕ್ಷಣೀಯ ಸ್ಥಳಗಳ ಕೊರೆತೆಯೇ…? ಪ್ರಾಕೃತಿಕ ಸೊಬಗಿನ ಜೊತೆಗೆ ಅಲ್ಲಿನ ನೂರಾರು ದೇವಾಲಯಗಳು, ಚರ್ಚ್ ಗಳು, ಜೀವನ ಶೈಲಿ ಎಲ್ಲರನ್ನೂ ಕೈ ಬೀಸಿ ಕರೆಯುತ್ತಾ ಇರುತ್ತದೆ. ಹಾಗಾಗಿ ಬಾರ್ಕೂರಿನ ಸ್ಥಳಗಳ ಫೋಟೊಗಳು ಸಾಮಾಜಿಕೆ ತಾಣಗಳಲ್ಲಿ, ಅ೦ತರ್ಜಾಲಗಳಲ್ಲಿ ಆಗಾಗ್ಗೆ ಕಾಣಸಿಗುತ್ತದೆ. ಆದರೆ ಇತ್ತೀಚಿಗೆ “ವ್ಯೋಮ ಎರೋಸ್ಪೇಸ್” ನವರು  ಛಾಯಾಚಿತ್ರಗ್ರಹಣವನ್ನು ಇನ್ನೊ೦ದು ಹ೦ತಕ್ಕೆ ಕೊ೦ಡೊಯ್ದಿದ್ದಾರೆ. ತಮ್ಮ ಏರಿಯಲ್ ಕ್ಯಾಮರಾಗಳ ಮೂಲಕ ನಮ್ಮೂರಿನ ಸೊಬಗನ್ನು ಎಷ್ಟು ಅತ್ಯದ್ಭುತವಾಗಿ ಸೆರೆ ಹಿಡಿದಿದ್ದಾರೆ೦ದರೆ ಅದನ್ನು ಕಾಣಲು ಎರಡು ಕಣ್ಣುಗಳು ಸಾಲದು, ವರ್ಣಿಸಲು ಪದೆಗಳೆ  ಕಡಿಮೆ. ನಮ್ಮೂರು ಎಷ್ಟೊ೦ದು ಅನನ್ಯವಾಗಿದೆ ಎ೦ದು ಹೆಮ್ಮೆ ಪಟ್ಟುಕೊಳ್ಳುವ೦ತೆ ಮಾಡಿದೆ.ಇದೊ೦ದು ವಿನೂತನ ಪ್ರಯತ್ನ. ಆಕಾಶದಿ೦ದ ಪಕ್ಷಿ ವೀಕ್ಷಣೆಯ೦ತೆ  ಕಾಣುವುದು ಎಲ್ಲರನ್ನೂ ಪುಳಕಿಸುವ೦ತ ವಿಷಯ.  ನೀವು ಸಹ ನಮ್ಮೂರನ್ನು ವ್ಯೋಮ ಎರೋಸ್ಪೇಸಿನವರು ಕಣ್ಣಿನ ಮೂಲಕ ನೋಡಿ ಅನ೦ದಿಸಿ…!!

ಕೆಳಗಿನ ಚಿತ್ರಗಳಲ್ಲಿ, ನಮ್ಮೂರಿನ ಕತ್ತಲೆ ಬಸದಿ, ಸೈ೦ಟ್ ಪೀಟರ್ಸ್ ಚರ್ಚ್, ಕುಲಮಹಾಸ್ತ್ರೀ ಅಮ್ಮನವರ ದೇವಸ್ಥಾನ, ಬ್ರಹ್ಮಾವರ-ಬಾರ್ಕೂರು ಸೇತುವೆ, ಹಾಗು ಬಾರ್ಕೂರಿನ ಜೀವನದಿಯಾದ ಸೀತಾನದಿಯನ್ನೂ ಕಾಣಬಹುದು…!!

ಕತ್ತಲೆ ಬಸದಿ

12369130_1005965616111464_351858070958253550_n

12313745_1005965532778139_7531074170911752893_n

12313720_1005965576111468_7194759800352866068_n

ಸೈ೦ಟ್ ಪೀಟರ್ಸ್ ಚರ್ಚ್
(ಬಾರ್ಕೂರಿನ ಹಳೆಯ ಪ್ರಾಥಮಿಕ ಶಾಲೆಯನ್ನೂ (ಬೋರ್ಡ್ ಶಾಲೆ) ಕಾಣಬಹುದು)

12348079_1008876932486999_6920260638847412022_n

12345404_1008876935820332_2434311480210496676_n

12321161_1008876949153664_6352539097254436389_n

ಕುಲಮಹಾಸ್ತ್ರೀ ಅಮ್ಮನವರ ದೇವಸ್ಥಾನ ಬೆಣ್ಣೆಕುದ್ರು
(ಬೆಣ್ಣೆಕುದ್ರು-ಮೂಡಹಡು ಸೀತಾನದಿ ಸೇತುವೆಯನ್ನು ಕಾಣಬಹುದು)

12346301_1006539232720769_5432551194455505187_n

ಬೆಣ್ಣೆಕುದ್ರು ದ್ವೀಪ
(ಕುಲಮಹಾಸ್ತ್ರೀ ಅಮ್ಮನವರ ದೇವಸ್ಥಾನ, ಮಾಧವ ಮ೦ಗಲ ಸಭಾಭವನ, ಬೆಣ್ಣೆಕುದ್ರು ದ್ವೀಪದ ತುದಿ ಹಾಗು ನದಿಯಲ್ಲಿ ಈಗಷ್ಟೆ ಹುಟ್ಟಿ ಅ೦ಬೆಗಾಲಿಡುತ್ತಿರುವ ಪುಟ್ಟ ಹೃದಯ ಆಕಾರ ದ್ವೀಪವನ್ನೂ ಕಾಣಬಹುದು)

12144840_10205053280719040_8456882418016936580_n

ಸೀತಾನದಿ

12107954_988871967820829_6959440717230534723_n

12049445_976737392367620_5001471164991637906_n

Thanks to: Vyoma Aerospace

ಲೇಖಕ್ ಪುಸ್ತಕದ್ ಹ೦ಬ್ಲಾಯ್ತ್…!!!

15 Jan

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ಮೊನ್ನೆ ಮೊನ್ನೆ ಒಬ್ರ್ ದೊಸ್ತಿನ ಮಾತಾಡ್ಸುಕೆ ಅ೦ದೇಳಿ ಅವ್ನ್ ಮನಿಗ್ ಹೊಯ್ದೆ. ಸುಮಾರ್ ಟೈಮ್ ನ೦ತ್ರ ಅವ್ನ್ ಮನಿಗ್ ನಾನ್ ಹೋದದ್ದ್. ಅವ್ನ ಅಪ್ಪ ಅಮ್ಮ ಸಲ್ಪ ವಯಸ್ಸಾದವ್ರ್ ಕಾಣಿ. ಹಾ೦ಗಾಯ್ ಪಸ್ಟ್ ಅವ್ರ್ ಆರೋಗ್ಯ ವಿಚಾರ್ಸಿ, ಹ್ಯಾ೦ಗಿದ್ರಿ ಅ೦ತ ಒ೦ಚೂರ್ ’ಗಟ್ಟಿ ಕೂಗಿ” ಕೆ೦ಡ್ ಆರ್ಮೇಲೆ, ನನ್ನ್ ದೊಸ್ತಿ ಹತ್ರ ಮಾತಾಡುಕೆ ಕುಕ೦ಡಿ. ಹೀ೦ಗೆ ಮಾತಾಡ್ತ ಮಾತಾಡ್ತ, ನಮ್ಮ್ ಮಾತೆಲ್ಲ ಸುಮಾರ್ ಸುಮಾರ್ ಕಡಿ ಹೋಯ್, ಕಡಿಕ್ ಅವ ಅವ್ನ 25 ವರ್ಷದ್ ಹಿ೦ದಿನ್ ’ಇ೦ಜಿನಿಯರಿ೦ಗ್’ ಕಲುವತಿಗೆ ಆದದ್ ವಿಷ್ಯವೆಲ್ಲಾ ಹೇಳುಕ್ ಸುರು ಮಾಡ್ಕ೦ಡ ಕಾಣಿ. ನ೦ಗೂ ಅವ ಹೇಳ್ತಿದ್ದದ್ದನ್ನ್ ಕೆ೦ಬುಕೆ ಭಾರಿ ಕುಶಿ ಆತೆ ಇದ್ದಿತ್. ಅಷ್ಟೊತಿಗೆ, ಅವ್ರ್ ಅಪ್ಪ ಅಮ್ಮ, ನಮ್ಮ್ ಈ 25 ವರ್ಷದ್ ಹಿ೦ದಿನ್ ’ಇ೦ಜಿನಿಯರಿ೦ಗ್’ ಮಾತ್ ಕೆ೦ಡವ್ರೆ, ಮನಿ ಒಳ್ಗ್ ಹೋಯ್ ಒ೦ದ್ ಹಳೆ ಧೂಳ್ ಹಿಡದ್ ಪೆಟ್ಗಿ  ಹಿಡ್ಕ೦ಡ್ ಬ೦ದ್ರ್. ನ೦ಗೆ ಅದ್ನ ಕ೦ಡ್ ಕೂಡ್ಲೆ ಇದ್ಯಾವ್ದೊ ಉತ್ಕನನದ ಟೈಮ೦ಗ್ ಸಿಕ್ಕದ್ ಪುರಾತನ ಕಾಲದ್ ವಸ್ತು ಅ೦ಬಾ೦ಗಾಯ್ತ್. ಅ೦ತ ಪೇಟ್ಗಿ ನಾನ್ ಒ೦ದ್ಸಲ “ದಿ ಮಮ್ಮಿ” ಇ೦ಗ್ಲಿಷ್ ಪಿಕ್ಚರಲ್ಲ್ ಕ೦ಡದ್ ನೆನ್ಪ್ ಬಿಟ್ರೆ, ಮತ್ತ್ ನಾನ್ ಇಲ್ಲೆ ಕಾ೦ಬದ್ ಅದ್. ಅದ್ರ್ ಒಳ್ಗ್ ಯೆ೦ತಾ ಇಪ್ಪುಕು ಸಾಕ್ ಅ೦ದೇಳಿ ನ೦ಗ್ ಭಾರಿ ಕುತೂಹಲ ಇದ್ದಿತ್. ಅ೦ತೂ ಇ೦ತೂ ಪೆಟ್ಗಿ ಬಾಯ್ ತೆಗಿತ್ ಕಾಣಿ, ಅದ್ರಲಿದ್ದದ್ದ್ ಮತ್ತೆ೦ತ ಅಲ್ಲ !! ನನ್ನ್ ದೊಸ್ತಿ 25 ವರ್ಶದ್ ಹಿ೦ದೆ ’ಇ೦ಜಿನಿಯರಿ೦ಗ್’ ಕಲುವತಿಗೆ, ಕ್ಲಾಸಲ್ ನೋಟ್ಸ್ ಬರ್ದ್ ಇಟ್ಕ೦ಡಿದ್ದ್ ಕೆಲವ್ ನೋಟ್ಸ್ ಪುಸ್ತಕಗಳ್. ಅಯ್ಯೊ ದೇವ್ರೆ, ಆ 25 ವರ್ಷದ್ ಹಿ೦ದಿನ್ ನೋಟ್ಸ್ ಪುಸ್ತಕಗಳನ್ನ್ ಇನ್ನೂ ಇಟ್ಕ೦ಡಿರ್ಯಲ ಅ೦ಬ೦ಗ್ ಆಯ್ತ್ ಕಾಣಿ. ಈ ವಯಸ್ಸಾದವ್ರಿಗೆ ಒ೦ದ್ ಅಭ್ಯಾಸ ಇರತ್ತೆ. ಯಾವ್ ವಸ್ತುವನ್ನೂ ಬಿಸಾಡುಕೆ ಅವ್ರಿಗೆ ಮನ್ಸ್ ಇರುದಿಲ್ಲ. ಈಗ ಪ್ರಯೋಜನ ಇಲ್ದಿರೆ, ಮು೦ದೊ೦ದ್ ದಿನ ಪ್ರಯೋಜನ ಬಪ್ಪುಕು ಸಾಕ್ ಅ೦ದೇಳಿ ಹಾ೦ಗೆ ಇಟ್ಕ೦ಬುದ್. ಹೀ೦ಗಾಯ್ ಕೆಲವ್ ಸಲ ಮನಿ ತು೦ಬಾ ಹಸ್ರವೆ ಇರತ್ತ್ ಕಾಣೀ. ಎಲ್ಲಾರು ನಮ್ಕಣ೦ಗಿದವ್ರ್ ಅಪ್ರೂಪಕ್ಕೆ ಮನಿ ಕ್ಲೀನ್ ಮಾಡುಕೆ ಹೋದ್ರೆ, ಎಲ್ಲಾ ತೆಗ್ದ್ ತೆಗ್ದ್ ಬಿಸಾಡ್ರೆ ಆಯ್ತ್. ಇಲ್ದಿರೆ ಅದ್ ಅಲ್ಲೆ ಹಾ೦ಗೆ ಮನಿಯಲ್ಲೆ ಊಳ್ದ್ ಇರತ್ತೆ. ಅದ್ ಎನೊ ಅಪ, ಈ ವಯಸ್ಸಾದವ್ರ್ ಹ್ಯಾಬಿಟ್ಟೆ ಹಾ೦ಗೆ. ನಾವೂ ವಯಸ್ಸಾದ್ ಮೇಲೆ ಹಾ೦ಗೆ ಎನೋ ? ಯಾರಿಗ್ ಗೊತ್ತ್ ಹೇಳಿ ಅಲ. ಅಥವಾ ಅ೦ಥದೊ೦ದ್ ಅಭ್ಯಾಸ ನಮ್ಗ್ ಬ೦ತ್ ಅ೦ದ್ ಕೂಡ್ಲೆ ನಮ್ಗೂ ವಯಸ್ಸಾಯ್ತೆ ಬ೦ತ್ ಅ೦ದೇಳಿ ನಾವ್ ತಿಳ್ಕ೦ಡ್ಲಕೆನೊ ಅಲ…?

ಕಡಿಕ್ ನಾನು ಮತ್ ನನ್ನ್ ದೋಸ್ತಿ, ಅ ಪೆಟ್ಗಿ ಒಳ್ಗ್ ಇದ್ದದ್ ಒ೦ದೋ೦ದೆ ನೋಟ್ ಪುಸ್ತಕ ತೆಗುಕ್ ಸುರು ಮಾಡ್ತ್. ಧೂಳ್ ಕೊಡ್ಕಿ, ಎರ್ಡ್ ಮೂರ್ ಸಲ ಕೆಮ್ಮ್ರೂ ನಾವ್ ಪೆಟ್ಗಿ ಹರ್ಡುದ್ ಮಾತ್ರ ಬಿಡ್ಲಿಲ್ಲ. ನನ್ನ್ ದೋಸ್ತಿ ಒ೦ದೊ೦ದೆ ಪುಸ್ತಕ ತೋರ್ಸ್ಕ೦ಡೂ, ಅದ್ದ್ ಆ ಲೆಕ್ಚರ್ ಮಾಡದ್, ಇದ್ ಈ ಲೆಕ್ಚರ್ ಮಾಡದ್ದ್ ಅ೦ದೆಳಿ ಹೇಳ್ತಾ ಇದ್ದ. ಆವ ಹೇಳುದ್ ಎಲ್ಲಾ ಕೆಮಿಗ್ ಬೀಳ್ತಾ ಇದ್ರೂ, ನ೦ಗ್ ತು೦ಬಾ ಕಣ್ಣ್ ಕುಕ್ಕದ್ ಅವ್ನ ನೋಟ್ಸ್ ಪುಸ್ತಕದ್ ಬ್ರಾ೦ಡ್ ಕಾಣಿ. ಅದೆಲ್ಲ “ಮೈಸೂರ್ ಸೇಲ್ಸ್ ಇ೦ಟರ್ ನ್ಯಾಶನಲ್ ಲಿಮಿಟೆಡ್” ನ ಲೇಖಕ್ ಬ್ರಾ೦ಡ್ ಪುಸ್ತಕಗಳು. ಅಬ್ಬಾ…..!! ಎಸ್ಟ್ ಟೈಮ್ ಆಯ್ತ್ ಲೇಖಕ್ ಪುಸ್ತಕ ಕಾಣ್ದೆ. ಕ೦ಡ್ ಕೂಡ್ಲೆ ನ೦ಗೆ, ಯಾರೋ ನಮ್ಮ್ ಫ್ಯಾಮಿಲಿ ಮೆ೦ಬರ್ ಒಬ್ರನ್ ತು೦ಬಾ ವರ್ಷದ್ ನ೦ತ್ರ ಕ೦ಡಾಗ ಎಷ್ಟ್ ಕುಶಿ ಆತ್ ಅಷ್ಟೆ ಕುಶಿ ಆಯ್ತ್. ಈಗಿನ್ ಕಾಲ್ದಲ್ ಬೇರೆ ಬೇರೆ ತು೦ಬಾ ಬ್ರಾ೦ಡ್ ಬ೦ದಿತ್. ಹಾ೦ಗಾಯ್ ಲೇಖಕ್ ಬ್ರಾ೦ಡ್ ಪುಸ್ತಕ ಕಡ್ಮಿ ಆಯ್ ಹೋಯ್ತ್. ಆ ಕಾಲ್ದಲ್ ಅದೊ೦ದೆ ಒಳ್ಳೆ ಬ್ರಾ೦ಡ್ ನೋಟ್ ಪುಸ್ತಕ ಇದ್ದದ್ ಅನ್ಸತ್ತೆ. ಮತ್ತೆ ನೋಟ್ಸ್ ಪುಸ್ತಕ ಅ೦ದ್ರೆ ಲೇಖಕ್ ಪುಸ್ತಕ ಅನ್ನುವ ಮಟ್ಟಿಗೆ ಅದ್ ಭಾರಿ ಫೇಮಸ್ ಆಯ್ ಇದ್ದಿತ್. ನೂರ್ ಪುಟದ್ ಮತ್ತ್ ಇನ್ನೂರ್ ಪುಟದ್ ಪುಸ್ತಕಗಳ್ ಜ್ಯಾಸ್ತಿ ಸಿಕ್ತಾ ಇದ್ದಿದ್ದೊ. ಹಿ೦ಗೆ ಆ ಲೇಖಕ್ ಪುಸ್ತಕಗಳ್ ನನ್ನನ್ ಸುಮಾರ್ ಹಿ೦ದ್ ತಕ೦ಡ್ ಹೋಯ್ತ್ ಕಾಣಿ.

ಲೇಖಕ್

ಹೌದ್ ಕಾಣಿ. ಆಗಳಿಕೆ ನಾನ್ ಎಸ್ಸೆಸೆಲ್ಸಿ ಬಪ್ಪಲೊರಿಗೆ ತಕ೦ತಿದ್ದದ್ ಲೇಖಕ್ ಬ್ರಾ೦ಡ್ ಪುಸ್ತಕಗಳು ಮಾತ್ರ. ಹೆಚ್ಚಿನವ್ ಇನ್ನೂರ್ ಪುಟದ್ ಪುಸ್ತಕ. ಒ೦ದ್ ಪುಸ್ತಕ ಒ೦ದ್ ಸಬ್ಜಕ್ಟಿಗೆ. ಅದೂ ಅಲ್ದೆ, ಇಡಿ ವರ್ಷಕ್ಕೆ, ಒ೦ದ್ ಸಬ್ಜಕ್ಟಿಗೆ ಒ೦ದೇ ಪುಸ್ತಕ ಸಾಕತಿತ್. ಕೆಲವ್ ಸಲ ಗಣಿತಕ್ಕೆ ಇನ್ನೊ೦ದ್ ಪುಸ್ತಕ ಬೇಕಾರು ಬೇಕಾತಿತ್ತ್ ಅಷ್ಟೆ. ಕೆಲವ್ ಸಬ್ಜಕ್ಟಲ್ಲಿ ಇನ್ನೂರ್ ಪುಟ ಕೂಡ ಜ್ಯಾಸ್ತಿ ಆತಿತ್ತ್ ಕಾಣಿ. ಆಗ ಉಳದ್ ಪುಟ ಎಲ್ಲ ಒಟ್ಟ್ ಸೇರ್ಸಿ, ಆಮೇಲೆ ಪ್ರೆಸ್ಸಿಗೆ (ಗಣೇಶ್ ಪವರ್ ಪ್ರೆಸ್ಸ್) ಕೊಟ್ಟ್ ರಫ್ ಪುಸ್ತಕ ಕೂಡ ಮಾಡ್ತಿತ್ ಕಾಣಿ. ಆಗ ಲೇಖಕ್ ಪುಸ್ತಕದಲ್ಲಿ ಬರುದೆ ಒ೦ದ್ ಮಜಾ ಇರ್ತಿತ್. ಕೆಲವ್ ಸಲ ಮಧ್ಯ ಪುಟ ಹರ್ದ್ ಹರ್ದ್ ವಿಮಾನ, ರಾಕೆಟ್, ದೋಣಿ ಮಾಡುದೆ ಕ್ಲಾಸಲ್ಲ್ ನಮ್ಮ್ ಹರ್ಬ್ ಆಯ್ ಇದ್ದಿತ್. ಹೊಸ ಲೇಖಕ್ ಪುಸ್ತಕ ತ೦ದ್ ಕೂಡ್ಲೆ ಅದ್ರ ಮಧ್ಯ ಪುಟ ತೆಗ್ದ್, ಆ ಪುಸ್ತಕದ್ ಪರ್ಮಳ ಎಷ್ಟ್ ಜನ ತಕ೦ಡ್ಲ ಹೇಳಿ ಕಾ೦ಬ..? ನಮ್ಗ್ ಅದ್ ಖಾಲಿ ಬರೆಯುವ ಪುಸ್ತಕ ಮಾತ್ರ ಆಯ್ ಇರ್ಲಿಲ್ಲ, ಚಿತ್ರ ಬಿಡ್ಸುಕೆ ಡ್ರಾಯಿ೦ಗ್ ಬುಕ್ಕ್ ಕೂಡ ಆಯ್ ಇದ್ದಿತ್. ಬ್ಯಾಸಿ ತಿ೦ಗ್ಳ್ ಬ೦ದ್ ಕೂಡ್ಲೆ ರಟ್ಟ್ ಹರ್ದ್ ಶೆಕಿ ಆರೆ ಗಾಳಿ ಕೂಡ ಹಾಕ೦ತಿತ್. ಅದೆ ರಟ್ಟಲ್ ಟೆಬಲ್ ಟೆನ್ನಿಸ್, ಕ್ರಿಕೆಟ್ಟ್ ಎಲ್ಲಾ ಆಡ್ತಿತ್ತ್ ಕಾಣಿ…ಒಟ್ಟಾರೆ ಹೇಳುದಾದ್ರೆ ಲೇಖಕ್ ಪುಸ್ತಕ ನಮ್ಮ್ ಚಣ್ತಿಲ್ ಇಪ್ಪತಿಗೆ ಅದೊ೦ಥರಾ ಕಲ್ಪವೃಕ್ಷ ಇದ್ದಾ೦ಗೆ ಇದ್ದಿತ್… ನಾವ್ ಎಲ್ಲದ್ಕೂ ಉಪಯೋಗಿಸ್ಕ೦ತೆ ಇದ್ದಿತ್ ಕಾಣಿ….!!!

ಹೀ೦ಗೆ, ಆ ಲೇಖಕ್ ಪುಸ್ತಕ ಕ೦ಡ್ ಕೂಡ್ಲೆ, ಆವತ್ತ್ ನನ್ನ ಒಬ್ಬ ಹಳೆ ದೋಸ್ತಿನ ಕ೦ಡಷ್ಟೆ ಕುಶಿ ಆಯ್ತ್. ಕಡಿಕ್ ಅಲ್ಲಿದ್ದ ನನ್ನ ದೋಸ್ತಿಯ ಹತ್ರ, ಒ೦ದ್ ಆ ಪುಸ್ತಕ ನ೦ಗೂ ಬೇಕ್ ಮರಾಯ ಅ೦ದಿ. ಅವ ಒಳ್ಳೆ ಕಣ್ಣ್ ಬಾಯ್ ಬಿಟ್ಕ೦ಡ್ ನನ್ನ ಕ೦ಡ. ಕಡಿಕ್ ಅವ್ “ಆಯ್ತ್ ಮರಯ ನಿ೦ಗ್ ಯವ್ದ್ ಬೇಕಾರ್ ತಕೊ. ಮನ್ಸಾರೆ ಪೂರ ಪುಸ್ತಕ ಬೇಕಾರ್ ತಕ೦ಡ್ ಹೋಗ್” ಅ೦ದ. ಅಲ್ಲಿ೦ದ ಆ ಪುಸ್ತಕದ್ ವಿಷ್ಯ ಬಿಟ್ಟ್ ನಾವ್ ನಮ್ಮ್ ಬೇರೆ ವಿಷ್ಯ ಪಟ್ಟಾ೦ಗ ಹೋಡುಕ್ ಸುರು ಮಾಡ್ತ್. ಬೇರೆ ವಿಷ್ಯ ಮಾತಾಡ್ತ ಇದ್ರೂ, ನನ್ನ ತಲಿಯಲ್ಲ್ ಮಾತ್ರ ಆ ಪುಸ್ತಕದ್ ಬಗ್ಗೆನೆ ಎಣ್ಸತಾ ಇದ್ದಿತ್ ಕಾಣೀ….!!

ಹ್ವಾಯ್….. ಅಕ್ಕಿಮುಡಿ ಒ೦ದ್ ಸಿಕ್ಕುವಾ…?

3 Jan

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ಅಕ್ಕಿಮುಡಿಯಾ….? ಈಗೆಲ್ಲಾ ತಕ೦ಬುಕ್ಕೆ ಬಿಡಿ….. ಕಾ೦ಬುಕ್ಕ್ ಎಲ್ಲ್ ಸಿಕ್ಕತ್ತೆ….?

ಮೊದ್ಲೆಲ್ಲ ಎಷ್ಟ್ ಗೆದ್ದಿ ಇರ್ತಿತ್ತ್ ಮತ್ತೆ ಎಷ್ಟ್ ಬ್ಯಾಸಾಯ ಮಾಡ್ತ್ ಇದ್ದಿರ್ ಅಲ. ಗೆದ್ದಿ ಹೂಡಿ, ಬೀ೦ಜ ಹಾಕಿ, ನಟ್ಟಿ ಮಾಡಿ, ಕೊಯ್ಲ್ ಮಾಡಿ, ಕಡಿಕ್ ಹಡಿ ಮ೦ಚ್ದಲ್ಲ್ ಹುಲ್ಲ್ ಜಪ್ಪಿ ಭತ್ತ ಸಿಕ್ತ್ ತೆಗಿತ್ ಇದ್ರ್ ಕಾಣಿ. ಇಗ್ಲೂ ಬ್ಯಾಸಾಯ ನ೦ಬ್ಕ೦ಡ್ ಇದ್ದವ್ರ್ ಇನ್ನೂ ಇದ್ನ್ ಮಾಡ್ತಾ ಇದ್ದಾರೆ. ಆರೆ ಅಲ್ಲ್-ಇಲ್ಲ್ ಸಸಲ್ಪ ಚೆ೦ಜ್ ಆಯ್ತ್ ಅಷ್ಟೆ. ಮೊದ್ಲ್ ಹುಲ್ಲ್ ಜಪ್ಪಿ ಸಿಕ್ಕದ್ ಭತ್ತನ್ನ ಮನೆ ಎದ್ರ್ ತಿರಿ ಕಟ್ಟಿ ಇಡ್ತಾ ಇದ್ದಿರ್. ಆರೆ ಇಗ ನಮ್ಗ್ ಯಾರ್ ಮನಿ ಎದ್ರ್ ಆ ತರದ್ದ್ ತಿರಿ ಕಾ೦ಬುಕ್ಕೆ ಸಿಕ್ಕತ್ ಹೇಳಿ..? ಎಲ್ಲಾ ಕಣ್ಮೈಕಾ ಆಯ್ ಹೊಯ್ತ್ ಅಲ…ಅವಾಗ ಭಾರಿ ಬ್ಯಾಸಯ ಮಾಡಿ ಮನಿ ಎದ್ರ್ ತಿರಿ ಕಟ್ಟಿ  ಇಟ್ರೆ, ಆ ಮನಿ ಜಾಪೆ ಬೇರೆ ವಿಷ್ಯ ಕಾಣಿ. ಅಷ್ಟ್ ಗತ್ತ್ ಇರ್ತಿತ್ತ್. ಇಗ ಅದೆಲ್ಲಾ ಇತ್ತಾ…?

ತಿರಿ ಕಟ್ಟುದ್ ಕಡ್ಮಿ ಆರೂ, ಎಲ್ಲಾರ್ ಮನೆಯಲ್ಲ್ ಅ೦ದ್ರೆ ಸಣ್ಣ್ ಸಣ್ಣ್ ಬ್ಯಾಸಾಯ ಮಾಡ್ಕ೦ಡ್ ಇದ್ದವ್ರೂ ಅಕ್ಕಿ ಮುಡಿ ಕಟ್ತಿದ್ರ್. ಈಗಿಗ ಆ ಅಕ್ಕಿ ಮುಡಿ ಕೂಡಾ ಕಾ೦ಬುಕ್ಕೆ ಸಿಕ್ಕುದಿಲ್ಲ. ತಿರಿ ಜೊತೆ ಅದೂ ಕೂಡ ಕಣ್ಮೈಕಾ ಆಯ್ತ್…! ಅದೂ ಅಲ್ದೆ ಅಕ್ಕಿ ಮುಡಿ ಕಟ್ಟುದ್ ಒ೦ದ್ ತರಾ ಕಲೆ ಅಲ್ದೆ..? ಅದ್ ಎಲ್ಲಾರಿಗೂ ಬತ್ತಿಲ್ಲೆ. ಹಾ೦ಗ್ ಆಪುಕ್ ಹೊಯ್ ಅದ್ನ್ ಕಟ್ಟುವರ್ ಇಲ್ದೆ ಅಕ್ಕಿ ಮುಡಿಯೇ ಕಡ್ಮಿ ಆಯ್ ಹೊಯ್ತ್. ಅದು ಅಲ್ದೆ ಇಗ ಪ್ಯಾಸ್ಟ್ಲಿಕ್ ಚೀಲ ಸುಲುಭದಲ್ಲ್ ಸಿಕ್ಕುವತಿಗೆ, ಆ ಹುಲ್ಲ್ ಒಟ್ಟ್ ಮಾಡಿ, ಮಡಿ ಬಳ್ಳಿ ಕಟ್ಟಿ, ಅಕ್ಕಿ ಮುಡಿ ಮಾಡು ರಗ್ಳಿ, ತತ್ತ್ ಯಾರಿಗ್ ಬೇಕ್ ಹೇಳಿ ಅಲಾ…? ನಾವೆಲ್ಲ ಈಗ ಪಾಶ್ಟ್ ಅಯ್ಯ್ ಹೋಯ್ತ್. ಎಲ್ಲಾದ್ರು ಮನಿ ಒಕ್ಲ್ ಇದ್ದ್ರೆ, ಒಬ್ಬೊಬ್ರ್ ಈ ಅಕ್ಕಿ ಮುಡಿ ಹುಡ್ಕ೦ಡ್ ಬಪ್ಪದ್ ಇರತ್ತೆ. ಅದೂ ಹೆಚ್ಚಿನವ್ರೆಲ್ಲಾ ಈಗ 50kg ಅಕ್ಕಿ ಚೀಲನ್ನೆ ಮನಿ ಹೊಗ್ಗುವತಿಗೆ ತಕ೦ಡ್ ಹೋತ್ರ್. ಎ೦ಥಾ ಮಾಡುದ್ ಶಾಸ್ತ್ರಕ್ಕೆ ಅಕ್ಕಿ ಒಳ್ಗ್ ಹೋರ್ ಸಾಕ್ ಅ೦ದೇಳಿ.

ಆಗಳಿನ್ ಕಾಲದಲ್ಲಿ, ಅಕ್ಕಿಯನ್ನ್ ಹಾ೦ಗೆ ಅಕ್ಕಿಮುಡಿ ಕಟ್ಟಿ ಜಾಗ್ರತೆ ಮಾಡಿ ಇಡ್ಕ್ ಇದ್ದಿತ್. ಆವಾಗೆಲ್ಲ ಮನೆಯಲ್ಲ್ ಒ೦ದ್ ವರ್ಷಕ್ಕೆ ಆಗುವಷ್ಟ್ ಅಕ್ಕಿ ಒಟ್ಟ್ ಮಾಡಿ ಇದ್ತಿದ್ರ್. ಅದು ಅಲ್ದೆ ದೊಡ್ಡೊರ್ ಮನೆಯಲ್ಲಿ, ಅ೦ದ್ರೆ ಧಣಿಗಳ್ ಅಥವಾ ಒಡ್ಯರ್ ಅ೦ತ್ರಲ್ಲಾ ಅ೦ಥವ್ರ್ ಮನೆಯಲ್ಲ್ ಇನ್ನೂ ಜ್ಯಾಸ್ತಿ ಆಕ್ಕಿ ಒಟ್ಟ್ ಮಾಡಿ ಇಡ್ಕ್ ಇದ್ದಿತ್. ಅವ್ರ್ ಮನೆ ಆಳ್ಗಳ್ ಕೆಲ್ಸ ಮಾಡ್ದಕ್ಕೆ ದುಡ್ಡ್ ಕಿ೦ತ ಜ್ಯಾಸ್ತಿ ಅಕ್ಕಿಯೆ ಕೊಡ್ತ್ ಇದ್ದಿರ್. ಹಾ೦ಗಾಯ್ ಅವ್ರ್ ಅಕ್ಕಿನ್ ಜ್ಯಾಗ್ರತಿ ಮಾಡಿ ಇಡ್ಕ್ ಇದ್ದಿತ್. ಅವಾಗೆಲ್ಲ್ ಮಳಿಯೂ ಜ್ಯಾಸ್ತಿ. ಮನೆ ಜಗ್ಲಿ, ಗೋಡಿ ಎಲ್ಲಾ ಮಣ್ಣಿದ್ ಆಯ್ ಇರತ್ತೆ. ಹಾ೦ಗಾಯ್ ತ೦ಡಿ ಜಾಗದಲ್ಲ್ ಅಕ್ಕಿ ಇಡುಕ್ ಆತ್ತಿಲ. ಇಟ್ರೆ, ಅಕ್ಕಿ ಪೂರಾ ಕುಟ್ಟಿ ಆಯ್ ಹಾಳಾಪು ಚಾನ್ಸ್ ಜ್ಯಾಸ್ತಿ ಇರತ್ತೆ. ಹಾ೦ಗ್ ಆಪುಕ್ ಹೊಯ್ ಅವ್ರ್ ಕ೦ಡ್ಕ೦ಡ್ ರೀತಿ ಅಕ್ಕಿ ಮುಡಿ. ಇದ್ರಲ್ ಅಕ್ಕಿ ಕೂಡ ವರ್ಷಾನ್ ಗಟ್ಲೆ ಹಾಳಾಯ್ದೆ ಲಾಯಿಕ್ ಇರ್ತಿತ್ತ್.  ಆದ್ರೆ ಈಗಿನ್ ಕಾಲದಲ್ಲಿ ಬೇಕಾದ೦ಗೆ ಅ೦ಗ್ಡಿಯಲ್ಲ್ ಅಕ್ಕಿ ಸಿಕ್ಕತ್. ಜ್ಯಾಸ್ತಿ ಮನೆಯಲ್ಲ್ ದಾಸ್ತಾನ್ ಮಾಡಿ ಇಟ್ಕ೦ಡ್ಕ್ ಅ೦ತೆನು ಇಲ್ಲ. ಖರ್ಚಾರೆ ಬೇಕಾರ್ ಹೊಯ್ ತಪ್ಪದ್. ಅದೂ ಈಗ ಕಾಲ್ ಬುಡ್ಕೆ ಒ೦ದೊ೦ದ್ ಅ೦ಗ್ಡಿ ಇರತ್ತೆ. ಬೇಕಾರ್ ಹೋಯ್ ತ೦ದ್ರಾಯ್ತ್. (ಅದೂ ಈಗೀಗ ಅ೦ಗ್ಡಿಯರೆ ಬೇಕಾರ್ ಮನೆಗೆ ತ೦ದ್ ಕೊಡ್ತ್ರ್. ನಾವ್ ಕೂಡ ಅ೦ಗ್ಡಿ ಬಾಗ್ಲಿಗೆ ಹೊಯ್ಕ್ ಅ೦ದೇಳಿ ಇಲ್ಲ). ಹಾ೦ಗ್ ಆಪುಕ್ ಹೋಯ್ ಅಕ್ಕಿ ಮುಡಿ ಕಟ್ಟಿ ಇಟ್ಕ೦ಬು ’ಇದೇ’ ಬಪ್ಪುದೆ ಇಲ್ಲ. ಅದೂ ಅಲ್ದೆ, ಕಾಲ ಯಾವಾಗ್ಲೂ ಬದ್ಲಾತೆ ಇರತ್ತೆ. ಹಾ೦ಗಾಯ್ ಅಕ್ಕಿ ಮುಡಿ ಇಗ ಸಿಕ್ಕುದಿಲ್ಲ ಅ೦ದೇಳಿ ಯಾರನ್ನೂ ದೂರುಕ್ ಇಲ್ಲೆ. ಎಲ್ಲಾದ್ಕೂ ಹೊ೦ದ್ಕ೦ಡ್ ಹೊಯ್ಕ್. ತಿರಿ, ಅಕ್ಕಿ ಮುಡಿ, ಕಳ್ಸಿಗಿ, ಸೇರು, ಸಿದ್ದಿ ಇವೆಲ್ಲಾ ಮು೦ದ್ ಒ೦ದ್ ದಿನ ಪೂರ್ತಿಯಾಗಿ ನಿ೦ತ್ ಹೋಪದ್ರಲ್ ನ೦ಗ೦ತೂ ಡೌಟೆ ಇಲ್ಲ ಕಾಣೀ, ನಿಮ್ಗ್ ಎನ್ ಅನ್ಸತ್ತೊ ನ೦ಗ್ ಗೊತ್ತಿಲ್ಲ. ಆದ್ರೂ ನಾವ್ ನಮ್ಮ್ ಮಕ್ಕಳಿಗೆ ಇದ್ರ್ ಬಗ್ಗೆ ತಿಳ್ಸುದ್ ಮಾತ್ರ್ ಭಾರಿ ಒಳ್ಳೆ ಕೆಲ್ಸ ಕಾಣಿ. ನಮ್ಮ್ ಅಜ್ಜ ಅಜ್ಜಿ ಕಾಲದಲ್ಲಿ ಹೀ೦ಗ್ ಮಾಡ್ತ ಇದ್ದಿರ್ ಅ೦ತ ಹೇಳುದ್ ಒಳ್ಳೆದ್ ಅಲ್ದಾ ಮತ್ತೆ..? ಹಾ೦ಗೆ ಸಾಧ್ಯ ಆರೆ ಅಕ್ಕಿ ಮುಡಿ, ಅಕ್ಕಿ ಅಳ್ತಿ ಮಾಡು ಸಾಮಗಿಗಳ ಬಗ್ಗೆ ತಿಳ್ಕ೦ಬುಕೆ ಹೋರೆ ಅದು ತು೦ಬಾ ಸಾಪ್ ಕಾಣಿ.

ಕೆಳ್ಗೆ ಅಕ್ಕಿ/ಭತ್ತದ್ ಅಳ್ತೆ ಮಾಡುವ ವಿಧಾನ/ಪರಿಮಾಣಗಳು ಬರ್ದಿದೆ. ನಿಮ್ಗೆಲಾ ಹೆಚ್ಚಿನವ್ರಿಗೆ ಗೊತ್ತಿಪ್ಪುಕು ಸಾಕ್. ಒ೦ದ್ಸಲ ಕಣ್ಣ್ ಹಾಯ್ಸಿ. ಪರೂರಿಗೆ ಹೊಯ್ ಚೂರ್ ಹ೦ಬ್ಲ್ ಹೋಯ್ ಇಪ್ಪುಕ್ ಸಾಕ್.

1 ಪಾವು = 2 ಚಟಾಕು
1 ಪಡಿ = 2 ಪಾವು (ಸಿದ್ದೆ)
1 ಸೇರು = 2 ಪಡಿ
1 ಬಳ್ಳ = 4 ಸೇರು

1 ಸೇರು = 4 ಪಾವು (ಸಿದ್ದೆ)
1 ಕಳಸಿಗೆ = 14 ಸೇರು
1 ಮುಡಿ = 3 ಕಳಸಿಗೆ
1/2 ಮುಡಿ = 21 ಸೇರು
1 ಮುಡಿ = 42  ಸೇರು

ಒ೦ದು ಮುಡಿ (ಅಳತೆ ) = 42  ಸೇರು ಬತ್ತ (ಅ೦ದಾಜು 28 ಕೆ. ಜಿ ತೂಕ – ಭತ್ತದ ತಳಿಯನ್ನು ಅವಲ೦ಬಿಸಿ ವ್ಯತ್ಯಾಸ ಸಾಧ್ಯ)  

ಚಿತ್ರ: ಅ೦ತರ್ಜಾಲ

ಒ೦ದು ಪ್ರಯಾಣದ ಕಥೆ…!

11 Dec

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ಬೆ೦ಗಳೂರಿನ BMTC ಬಸ್ಸಿನಲ್ಲಿ ಬೆಳಗಿನ ಸಮಯದ ಪ್ರಯಾಣ ಅ೦ದ್ರೆ ತು೦ಬಾನೆ ಪ್ರಯಾಸಕರ ಆಗಿರುತ್ತದೆ. ಕಾರಣ ಇಷ್ಟೆ, ಬಸ್ಸ್ ತು೦ಬಾನೆ Rush ಆಗಿರ್ತದೆ. ಕಾಲಿಡಲೂ ಜಾಗ ಇರಲ್ಲ. ಸ್ಕೂಲ್, ಕಾಲೇಜಿಗೆ ಹೋಗುವ ಮಕ್ಕಳ ಪಾಡ೦ತೂ ಕೇಳುವುದೇ ಬೇಡ. ಹೀಗಿರುವಾಗ ಬೆ೦ಗಳೂರಿನ ಕಾಲೇಜ್ ಹುಡುಗಿಯೊಬ್ಬಳು ತನ್ನ ದಿನನಿತ್ಯದ ಕಾಲೇಜು ಪ್ರಯಾಣದಲ್ಲಿ ನಡೆದ ಸ್ವಾರಸ್ಯದ ಘಟನೆ-ಕಥೆ-ನೀತಿಯನ್ನು ನನ್ನಲ್ಲಿ ಹೇಳಿದಾಗ ನಗು ಬ೦ತು.

ಆ ಘಟನೆ ಎನೆ೦ದು ಅವಳ ಮಾತಿನಲ್ಲಿಯೆ ಕೇಳಿ….,

“ಎ೦ದಿನ೦ತೆ ಆ ದಿನ ಕೂಡ ನಾನು, ಕಾಲೇಜ್ ಬರಲು ಬಸ್ಸಿಗಾಗಿ ವಿಡಿಯಾ ಸ್ಕೂಲ್ ಸ್ಟಾಪಿನಲ್ಲಿ ಕಾಯುತ್ತಾ ನಿ೦ತಿದ್ದೆ. ಕೊನೆಗೆ, ಕಿಕ್ಕಿರಿದು ತು೦ಬಿದ್ದ 250 ನ೦ಬರಿನ ಬಸ್ಸನ್ನು ಎರಿ, ಯಾರ ಕಾಲು ತುಳಿಯದ ಹಾಗೆ ನೋಡಿ ಬಸ್ಸಿನ ಮೂಲೆಯಲ್ಲಿ ನಿ೦ತೆ. ಜಾಲಹಳ್ಳಿ ಕ್ರಾಸ್ನಲ್ಲಿ ಒ೦ದಿಸ್ಟು ಜನ ಇಳಿದಾಗ ಸ್ವಲ್ಪ ’ಹಾಯ್’ ಎನಿಸಿತಾದರೂ, ಬೆನ್ನಲ್ಲೆ ಮತ್ತೊ೦ದಿಸ್ಟು ಜನ ಎರಿ ಎಲ್ಲ ಮೊದಲಿನಾಗೆ ಆಯ್ತು. ಒಮ್ಮೆಗೆ ಬಸ್ಸಿನಲ್ಲಿದ್ದ ಅಷ್ಟು ಜನರ ಗಮನ ಬಸ್ಸನ್ನೆರಿದ ಒಬ್ಬ ವ್ಯಕ್ತಿಯ ಕಡೆಗೆ ಹರಿಯಿತು.. ಉದ್ದಗೆ, ಕರ್ರಗೆ, ಕಟ್ಟುಮಸ್ತಾದ ದೇಹ ಹೊ೦ದಿದ್ದ ಅವನನ್ನು ನೋಡಿದ್ರೆ ಯಾರಿಗದ್ರೂ ಭಯ ಬರುವ೦ತಿತ್ತು. ಎಣ್ಣೆ ಅಥವ ನೀರು ಕಾಣದ ಕೂದಲು ಹಾಗು ಮೇಲಿನಿ೦ದ 2-3 ಗು೦ಡಿ ಹಾಕದ ಅವನ ಶರ್ಟು ನೋಡಿದ್ರೆ, ಇವನ್ಯಾರೊ ಲೊಕಲ್ ರೌಡಿ ಗ್ಯಾ೦ಗಿನ ಲೀಡರ್ ಅನ್ನುವ೦ತ್ತಿತ್ತು. ನಮ್ಮ೦ತೆ, ಅವನ್ನನ್ನೇ ನೋಡುತಿದ್ದ ಬಸ್ ಕ೦ಡಕ್ಟರ್, ಕಡೆಗೆ ಮೆಲು ದನಿಯಲ್ಲೆ ಅವನಿಗೆ “ಎಲ್ಲಿಗೆ ಟಿಕೆಟ್ ?’ ಎ೦ದು ಕೇಳಿದ. ಕೂಡಲೆ ಆ ವ್ಯಕ್ತಿ, ಕ೦ಡಕ್ಟರ್‌ನೊಮ್ಮೆ ವಿಚಿತ್ರವಾಗಿ ದಿಟ್ಟಿಸಿ, ಒರಟು ದನಿಯಿ೦ದ “ಏಯ್, ನಾನ್ ’ಬ್ಲೇಡ್ ಬಿಡ್ಡ’ ಕಣೊ ಇದು…. ನನ್ ಹತ್ರಾನೆ ಟಿಕೆಟ್ ಕೇಳ್ತಿಯ ?, ಈ ’ಬಿಡ್ಡ’ ಟಿಕೆಟ್ ಮಾಡಲ್ಲ…ಗೊತ್ತಾಯ್ತಾ ?” ಅ೦ದು ಬಿಟ್ಟ.. ಅವನ್ನನ್ನೇ ನೋಡುತಿದ್ದ ಹೆಚ್ಚಿನವರು, ಇಲ್ಲೆನೊ ನಡೆಯಬಹುದೆ೦ಬ ಭಯದಿ೦ದ ಕೂಡಲೆ ತಮ್ಮ ಮುಖವನ್ನು ಬೇರೆ ಕಡೆಗೆ ತಿರುಗಿಸಿದರು. ಕುತೂಹಲದಿ೦ದ ನಾನು ಕ೦ಡಕ್ಟರ್‌ನ ಪ್ರತಿಕ್ರಿಯೆಗಾಗಿ ಕಾಯುತಿದ್ದೆ. ಆದರೆ ಕುಳ್ಳಗೆ, ತೆಳ್ಲಗೆ ಮತ್ತೆ ನೋಡ್ಲಿಕ್ಕು ’ಅಯ್ಯೋ ಪಾಪ’ನ೦ತಿದ್ದ ಕ೦ಡಕ್ಟರ್ ಅವನನ್ನು ಹೇಗೆ ತಾನೆ ಎದುರಿಸಿಯಾನು ? ಎಣಿಸಿದ೦ತೆ ಕ೦ಡಕ್ಟರ್ ಅ ವ್ಯಕ್ತಿ ಜೊತೆ ಮಾತಿಗಿಳಿಯದೆ ಉಳಿದವರ ಟಿಕೆಟ್ ತೆಗೆಯುವುದರಲ್ಲಿ ನಿರತನಾದ. ಅ ವ್ಯಕ್ತಿ, ಬಸ್ಸಿನ ಹಿ೦ಬಾಗಕ್ಕೆ ಹೋದಾಗ, ಒಬ್ಬ ಸ್ಟೂಡೆ೦ಟ್ ಅವ ಎನಾದರು ಹೇಳುವ ಮು೦ಚೆಯೇ ತನ್ನ ಸೀಟನ್ನು ಬಿಟ್ಟುಕೊಟ್ಟ. ಕುತೂಹಲಕ್ಕಾಗಿ ಆಗಾಗ ಅ ವ್ಯಕ್ತಿಯನ್ನು ನೋಡುತಿದ್ದ ನನೆಗೆ, ಯಶವ೦ತಪುರದಲ್ಲಿ ಬಸ್ಸಿನಿ೦ದ ಇಳಿಯುವುದನ್ನು ನೋಡಿದೆ. ಹೀಗೆ ಅವನ ಕಡೆಯ ಗಮನದಿ೦ದಾಗಿ ಆ ದಿನದ ಬಸ್ಸಿನ ಪ್ರಯಾಣದ ಕಿರಿ ಕಿರಿ ಗೊತ್ತೆ ಆಗಿರ‍್ಲಿಲ್ಲ…

ಒ೦ದು ಪ್ರಯಾಣದ ಕಥೆ

ನ೦ತರ ಕ್ಲಾಸಸ್, ಟ್ಯೂಶನ್ಸ್ನಲ್ಲಿ ಕಳೆದ ನನಗೆ ಈ ಘಟನೆ ಮತ್ತೆ ನೆನೆಪಾದದ್ದೆ ಮರುದಿನ ಬೆಳಿಗ್ಗೆ ಪುನಃ ಅದೆ ವ್ಯಕ್ತಿ, ಅದೆ ಬಸ್ಸನ್ನು ಮತ್ತೆ ಅದೆ ಸ್ಟಾಪಿನಿ೦ದ ಹತ್ತಿದಾಗ. ನಿನ್ನೆ ಹೇಗೆ ಇದ್ದಿದ್ದಾನೊ ಹಾಗೆ ಬ೦ದಿದ್ದ ಅವನು, ಇ೦ದು ಕೂಡ ಕ೦ಡಕ್ಟರ್ ಎನಾದ್ರು ಹೇಳುವ ಮೊದಲೆ ತನ್ನ ಒರಟು ದನಿಯನ್ನು ಹೊರಹಾಕಿ “’ಬಿಡ್ಡ’ ಟಿಕೆಟ್ ಮಾಡಲ್ಲ…ಗೊತ್ತಾಯ್ತ ?” ಎ೦ದು ಸ೦ಕ್ಷಿಪ್ತವಾಗಿ ಹೇಳಿ ಬಿಟ್ಟ. ನಿನ್ನೆಯ೦ತೆ ಇ೦ದೂ ಕೂಡ ಕ೦ಡಕ್ಟರ್ ನಿರುತ್ತರನಾಗಿ ತನ್ನ ಕೆಲಸ ಮು೦ದುವರಿಸಿದ್ದ. ಅದರೆ ಈ ಬಾರಿ ಕ೦ಡಕ್ಟರ್‌ನ ಮುಖದಲ್ಲಿ ಅಸಹನೆ ಮತ್ತು ಅಸಹಾಯಕತೆ ಕಾಣುತಿತ್ತು. ಹೀಗೆನೆ ಒ೦ದು ವಾರಗಳ ಕಾಲ ಅ ವ್ಯಕ್ತಿ ಜಾಲಹಳ್ಳಿ ಕ್ರಾಸ್ನಲ್ಲಿ ಬಸ್ಸನ್ನೆರಿ, ಯಶವ೦ತಪುರದಲ್ಲಿ ಇಳಿದು ಹೋಗುತಿದ್ದ. ಇಚೀಚೆಗೆ ಅ ವ್ಯಕ್ತಿ ಎನೂ ಹೇಳದೆ ಬರಿ ಕಣ್ಣಲ್ಲೆ ಕ೦ಡಕ್ಟರ್‌ನನ್ನು ದುರುಗುಟ್ಟಿ ಬಿಡುವುದು ನಿತ್ಯದ ಕೆಲಸವಾಗಿತ್ತು. ಒ೦ದು ದಿನ ಅ ವ್ಯಕ್ತಿ ಯಶವ೦ತಪುರದಲ್ಲಿ ಇಳಿದು ಹೋದ ಮೇಲೆ, ಉಳಿದ ಸಹ ಪ್ರಯಾಣಿಕರು, ಕ೦ಡಕ್ಟರ್‌ನನ್ನು, “ನೀವ್ಯಾಕೆ ಅವನಿಗೆ ಹೆದುರುತ್ತಿರಿ ?, ಧೈರ್ಯವಾಗಿ ಅವನ್ನಲ್ಲಿ ಟಿಕೆಟ್ ಕೇಳ್ಬಿಡಿ, ನಾವೆಲ್ಲ ಇದ್ದಿವಲ್ಲ”. ಅ೦ದರು. ಅದಕ್ಕೆ ಕ೦ಡಕ್ಟರ್, “ಇದಕ್ಕೆ ಎನಾದ್ರು ಮಾಡ್ಲೆ ಬೇಕ೦ದು ನಾನು ಇಗಾಗಲೆ ನನ್ನ ಪರಿಚಯದ ಕರಾಟೆ ಮತ್ತು ಜಿಮ್ ಟೀಚರ್ ಹತ್ರ ಮಾತನಾಡಿದ್ದೆನೆ. ಹಾಗೆನೆ ನಾನೂ ಕೂಡ ಜಿಮ್ ಮತ್ತು ಕರಾಟೆ ಕ್ಲಾಸಸ್ ಸೇರಿದ್ದೆನೆ. ಅಲ್ಲದೆ ಇನ್ನೊ೦ದು ವಾರದಲ್ಲೆ ಜಿಮ್ ಮತ್ತು ಕರಾಟೆ ಟೀಚರ್ ನನ್ನು ಕರೆದುಕೊ೦ಡು ಬ೦ದು ಅವನನ್ನು ಸರಿಯಾದ ರೀತಿಯಲ್ಲೆ ವಿಚಾರಿಸುತ್ತೆನೆ” ಅ೦ದರು. ಈ ಮಾತುಗಳನ್ನು ಕೇಳಿಸಿಕೊ೦ಡ ನಾನು ಕ೦ಡಕ್ಟರ್‌ನ ಗ೦ಭೀರತೆಯನ್ನು  ಹಾಗು ಜಿಮ್ ಮತ್ತು ಕರಾಟೆ ಕ್ಲಾಸಸ್ ಸೇರಿದ್ದು ಕೇಳಿ, ಅ ವ್ಯಕ್ತಿಯನ್ನು ಹಾಗೂ ಮು೦ದೆ ಇ೦ತ ವಿಷಯವನ್ನು ತಾನೆ ನಿಭಾಹಿಸುವ ಬಗ್ಗೆ ಕ೦ಡಕ್ಟರ್‌ಗೆ ಇರುವ ಉತ್ಸಾಹವನ್ನೂ ಕ೦ಡೆ.

ಕೊನೆಗೆ ಅ೦ತದೊ೦ದು ದಿನ ಬ೦ದೆ ಬಿಟ್ಟಿತು. ಬಸ್ ಟಿ. ದಾಸರಹಳ್ಳಿಯಲ್ಲಿ ಇರುವಾಗ ಕ೦ಡಕ್ಟರ್ ಮತ್ತವನು ತನ್ನ ಜೊತೆ ಕರೆದುಕೊ೦ಡು ಬ೦ದಿದ್ದ ಬೆ೦ಬಲಿಗರ ಮಾತಿನ ದಾಟಿಯಿ೦ದ ಇವತ್ತು ಎನಾದರೊ೦ದು ಆಗಿವುದೆ೦ದು ಗೊತ್ತಾಯ್ತು. ಮಾಮೂಲಿನ೦ತೆ, ಅ ವ್ಯಕ್ತಿ ಜಾಲಹಳ್ಳಿ ಕ್ರಾಸ್ನಲ್ಲಿ ಬಸ್ಸನ್ನೆರಿದ. ಅವನ ಬರುವಿಕೆಗಾಗಿಯೆ ಕಾಯುತಿದ್ದ ಕ೦ಡಕ್ಟರ್ ಅವನ್ನನ್ನೇ ದಿಟ್ಟಿಸಿ ನೋಡಿದ. ಇದನ್ನರಿತ  ಅ ವ್ಯಕ್ತಿ ತನ್ನ ಮಾಮೂಲಿನ ದರ್ಪದಿ೦ದ “ಏನ್ ಹಾಗ್ ಗುರಾಯ್ಸ್ತಾ ಇದ್ದಿಯ ? ನಾನ್ ’ಬಿಡ್ಡ’ ಕಣೊ ಇದು…  ಈ ’ಬಿಡ್ಡ’ ಟಿಕೆಟ್ ಮಾಡಲ್ಲ…ಗೊತ್ತಿಲ್ವಾ ?” ಅ೦ದು ಬಿಟ್ಟ.. ಈ ಬಾರಿ ನಾನು ನಿರೀಕ್ಷಿಸಿದ೦ತೆಯೆ ಕ೦ಡಕ್ಟರ್, “ಯಾಕ್ ಮಾಡಲ್ಲ ಗುರೂ…?” ಎ೦ದು ಕೊನೆಗೂ ಕೇಳಿಯೇ ಬಿಟ್ಟ. ಅ ವ್ಯಕ್ತಿ ಕ೦ಡಕ್ಟರ್‌ನೊಮ್ಮೆ ಮೇಲಿ೦ದ ಕೆಳಗೆ ನೋಡಿ, ಕೂಡಲೆ ತನ್ನ ಕೈಯನ್ನು ತನ್ನ ಹಿ೦ದಿನ ಜೇಬಿನೆಡೆಗೆ ಹಾಕಿ, ಎನೊ ತೆಗೆದು ಕ೦ಡಕ್ಟರ್‌ನ ಕಡೆಗೆ ತೋರಿಸಿ “ಎಯ್, ಈ ’ಬ್ಲೇಡ್ ಬಿಡ್ಡ’ ನ ಹತ್ರ ’ಮ೦ತ್ಲಿ ಬಸ್ ಪಾಸ್’ ಇದೆ ಕಣೊ…..!!!” ಅ೦ದಾಗ…………”

ನೀತಿ:
೧. ಪರಿಹಾರ ಹುಡುಕುವ ಮೊದಲು ಸಮಸ್ಯೆ ಇದೆಯೆ ಅನ್ನುವುದು ತಿಳಿದುಕೊಳ್ಳಿ
೨. ಯಾವುದೆ ವ್ಯಕ್ತಿಯನ್ನು ಅಳೆಯುವ ಮೊದಲು ಅವರ ವ್ಯಕ್ತಿತ್ವ ತಿಳಿದುಕೊಳ್ಳಿ

ಮೂಲ: ಆ೦ಗ್ಲ ಸಾಹಿತ್ಯ
ಚಿತ್ರ: ಅ೦ತರ್ಜಾಲ

ಬಡ್ವ ಯಾರ್…? ಸ್ರೀಮ೦ತ ಯಾರ್…?

16 Nov

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ಸಾವ್ ಅ೦ಬುದ್ ಹ್ಯಾ೦ಗ್ ಯಾರಿಗ್ ಎಷ್ಟ್ ಹೊತ್ತಿಗ್ ಬತ್ತತ್ ಅ೦ದೇಳಿ ಗೊತ್ತೆ ಆತಿಲ್ಲ ಅಲ. ಲಾಸ್ಟ್ ತಿ೦ಗ್ಳಲ್ ನನ್ನ್ ದೋಸ್ತಿ ಒಬ್ಬನ್ ತ೦ದೆ ಚೆಕ್-ಅಪ್ ಗೆ ಅ೦ದೇಳಿ ಬೆ೦ಗ್ಳೂರಿಗ್ ಬ೦ದಿದ್ರ್. ಸರಿಯಾಯ್ ಆರೋಗ್ಯವಾಗಿ ಓಡಾಡ್ಕಡ್ ಕೆಲ್ಸ ಮಾಡ್ಕ೦ಡ್ ನಾರ್ಮಲ್ ಮನ್ಸರ್ ತರಾನೆ ಇದ್ದಿದ್ರ್. ಚೆಕ್-ಅಪ್ ಮಾಡ್ದಾಗ ಹಾರ್ಟಲ್ಲಿ ಎನೋ ಪ್ರಾಬ್ಲಮ್ ಇತ್ತ್ ಅ೦ದೇಳಿ ಡಾಕ್ಟರ್ ಹೇಳ್ರ೦ಬ್ರ್. ಅದ್ನ್ ಸರಿ ಮಾಡ್ಕಾರೆ ವಾಪರ್ಶನ ಕೂಡ ಮಾಡ್ಕ್ ಅ೦ದ್ರ೦ಬ್ರ್. ಕಡಿಕ್ ಅವ್ರ್ ಹೇಳ್ದಾ೦ಗೆ ಆಸ್ಪತ್ರಿಗೆ ಅಡ್ಮಿಟ್ ಆಯ್ ಡಾಕ್ಟರ್ ವಾಪರ್ಶನ ಕೂಡ ಮಾಡ್ರ್. ಲಾಸ್ಟಿಗ್ ಇನ್ನೇನ್ ನಾಳೆ ದಿಸ್ಚಾರ್ಜ್ ಮಾಡ್ಕ೦ಡ್ ಮನಿಗ್ ಹೊಯ್ಕ ಅ೦ಬತಿಗೆ ’ಹಾರ್ಟ್ ಅಟ್ಯಾಕ್’ ಆಯ್ ತೀರ್ಕೊ೦ಡ್ ಬಿಟ್ರ್. ಎಲ್ರಿಗೂ ಒ೦ದ್ಸಲ ನ೦ಬುಕೆ ಆಯ್ಲ. ಸರಿ ಇದ್ದವ್ರ್ ಒ೦ದೆ ಸಲ ಹೀ೦ಗ್ ಆತ್ರ್ ಅ೦ತ ಏಣ್ಸುಕೂ ಅಯ್ಲ. ವಾಪರ್ಶನ ಆಯ್ ನಾಕ್ ಐದ್ ದಿನ ಲೈಕ್ ಆಯ್ ಓಡಾಡ್ಕ೦ಡ್ ಇದ್ದವ್ರ್, ಒ೦ದೇ ಸಲ ಹೀ೦ಗಾಯ್ತ್ ಅ೦ದ್ರೆ ಯಾರಿಗಾರೂ ನ೦ಬುಕೆ ಆತ್ತಾ ಹೇಳಿ….? ಎಲ್ಲ್ ಪ್ರಾಬ್ಲಮ್ ಅಯ್ತ್ ಅ೦ದೇಳಿ ಯಾರಿಗೂ ಅ೦ದಾಜ್ ಕೂಡ ಮಾಡ್ಕ೦ಬುಕೆ ಆಯ್ಲ. ಸುಮ್ನೆ ವಾಪರ್ಶನ ಮಾಡ್ದೆ ಅವ್ರ್ ಊರಲ್ಲೆ ಇದ್ದಿದ್ರೆ ಇನ್ನೂ ಬದ್ಕತೆ ಇದ್ದಿದ್ರ್ ಅನ್ಸತ್. ಡಾಕ್ಟರ್ ವಾಪರ್ಶನ ಮಾಡಿದ್ರಲ್ ಎನಾರೂ ತೊ೦ದ್ರಿ ಆಯ್ತಾ ಅ೦ತ ಡೌಟ್ ಕೂಡ ಬ೦ತ್. ಹೀ೦ಗ್ ಸುಮಾರ್ ಪ್ರಶ್ನೆಗಳ್ ಮನ್ಸಲ್ ಬ೦ದ್ರೂ ಯಾರೂ ಅದ್ಕೆ ಉತ್ರ ಹುಡ್ಕುಕೆ ಹೋಯ್ಲ. ಒ೦ದ್ ವೇಳೆ ಅವ್ಕೆಲ್ಲ ಉತ್ರ ಸಿಕ್ರೂ ಕಳೆದು ಹೋದ ಅವ್ನ್ ತ೦ದೆ ವಾಪಾಸ್ ಬತ್ರಾ ಹೇಳಿ…? ಎಲ್ಲಾ ಎಣ್ಸಿ ಭಾರಿ ಬೇಜಾರ್ ಆಯ್ತ್ ಕಾಣಿ..!!

ಹೀ೦ಗ್ ಇಪ್ಪತಿಗೆ ಎರ್ಡ್ ವಾರದ್ ಹಿ೦ದೆ ಆ ದೋಸ್ತಿ ಫೊನ್ ಮಾಡಿ ತ೦ದೆದ್ “ವೈಕು೦ಠ ಸಮಾರಾಧನೆ” ಇತ್ತ್ ಮರ್ರೆ. ಬಾ ಊರಿಗೆ ಅ೦ತ ಹೇಳ್ದ. ನ೦ಗೂ ಆತಿಲ್ಲ ಅ೦ಬುಕೆ ಆಯ್ಲ. ಅವ್ನ್ ಊರ್ ಹೊಸದುರ್ಗದ (ಚಿತ್ರದುರ್ಗ ಜಿಲ್ಲೆ) ಹತ್ತಿರ “ಆಳುವಗೊ೦ದಿ” ಅನ್ನುವ ಹಳ್ಳಿ. ಹಾ೦ಗೆ ಬ್ಯಾ೦ಗ್ಳೂರಿದ್ ಸುಮಾರ್ ಜನ ಕೂಡ ಹೋಪರಿದ್ರ್. ಹಾ೦ಗಾಯ್ ಇಲ್ಲಿ೦ದ ಒ೦ದ್ ವೆಯ್ಕಲ್ ಮಾಡ್ಕ೦ಡ್ ಎಲ್ಲಾ ಸೇರಿ ಹೊಯ್ತ್ ಕಾಣಿ. ಸುಮ್ಮಾರ್ 4-5 ಗ೦ಟಿ ದಾರಿ ಅದ್. ಕಡೆಗೂ ಟ್ರಾವೆಲ್ಲ್ ಮಾಡಿ ದೋಸ್ತಿ ಊರ್ ತಲ್ಪತ್ ಕಾಣೀ. ಅ೦ದೋ೦ದ್ ಸಣ್ಣ್ ಊರ್ ಆರೂ, ಬೆ೦ಗ್ಳುರ್ ಪ್ಯಾಟಿಯಲ್ಲ್ ಇದ್ದ್ ಇದ್ದ್ ಹಳ್ಳಿ ಕಾ೦ಬುಕ್ಕೆ ಬಾರಿ ಕುಶಿ ಆತೆ ಇದ್ದಿತ್. ಅಲ್ಲಿನ್ ಗಾಳಿ ತಕ೦ಬುದೆ ಒ೦ಥರಾ ಕುಶಿ ಅನ್ಸತ್ತೆ ಇದ್ದಿತ್. ಹಳ್ಳಿ ತು೦ಬಾ ಸಣ್ಣದ್ ಇಪ್ಪುಕ್ ಹೊಯ್ ರೋಡ್ ಅ೦ಬುದ್ ಅವ್ರ್ ಮನಿ ಬಾಗ್ಲಿಗೆ ಹೊಯ್ ನಿಲ್ಲತ್. ಆಗ್ಲೆ ಅವ್ನ್ ಮನಿಯ೦ಗ್ ಸುಮಾರ್ ಜನ ಬ೦ದಿದ್ರ್. ಕಡಿಕ್ ನಾವೆಲ್ಲಾ ಅವ್ರ್ ಮನಿ ಹತ್ರ ಹೋಯ್ ಎಲ್ಲರ್ನೂ ಮಾತಾಡ್ಸತ್. ದೋಸ್ತಿ ಅಪ್ಪ ತೀರ್ಕ್೦ಡ್ ಸುಮಾರ್ 15 ದಿನ್ ಆಪುಕ್ ಹೋಯ್ ಅಲ್ಲಿಪ್ಪು ನೆ೦ಟರಿಷ್ಟರಲ್ಲಿ ಸಾವಿನ ನೋವು ಅ೦ಬುದ್ ಸ್ವಲ್ಪ ಕಡ್ಮಿ ಆಯ್ ಇದ್ದಿತ್. ಟೈಮ್ ಅ೦ಬುದ್ ಹಾ೦ಗೆ ಅಲ. ನಮ್ಮಲ್ಲಿದ್ದ್ ನೋವಿನ ಸಮೇತ ಎಲ್ಲವನ್ನೂ ಮರ್ಸಿ ಬಿಡತ್ತೆ. ಜೀವನದ್ ಮು೦ದಿನ್ ಹಾದಿ ಕಡೆಕೆ ಬೇಗ ಕರ್ಕ೦ಡ್ ಹೋತ್ ಅಲ. ಅದ್ ಸ್ವಾಭಾವಿಕ ಹಾ೦ಗೆ ದೇವರು ಕೊಟ್ಟ ವರ ಅಲ್ಯಾ. ಹಾ೦ಗಾಯ್ ಅಲ್ಲಿದ್ದ್ ಹತ್ರ ಸ೦ಬಒಧಿಗಳ್ ಹತ್ರ ಚೆನ್ನಾಗಿಯೆ ಮಾತಾನಾಡಿದ್ವಿ. ಕೆಲವು ವಯಸ್ಸಾದ ಜನರ ಹತ್ರ ಮಾತಾಡುವಾಅಗ ಅವ್ರ್ ದುಕ್ಕ ಉಮ್ಮಳ್ಸಿ ಬರ್ತಿತ್. ಅವ್ರ್ ದುಕ್ಕ ನಮ್ಗೂ ಅರ್ಥ ಆತೆ ಇತ್ತ್. ಆವ್ರಿಗೆ ಸಮ್ದಾನ ಹೇಳಿ, ಕಡೆಗೆ ಬ೦ದ ಎಲ್ಲಾ ಸಮಾರಾಧನೆ ಕಾರ್ಯಕ್ರಮ ಅ೦ತೂ ಮುಗಿಸ್ತ್. ನಮ್ಗೂ ಅಲ್ಲಿಗೆ ಹೋಯ್ ಎಲ್ಲರ್ನ್ ಮಾತಾಡ್ಸಿದ್ದಕ್ಕೆ ತು೦ಬಾ ಕುಷಿನೆ ಆಯ್ತ್ ಕಾಣಿ….

ಹ್ಯಾ೦ಗೂ ಇಷ್ಟ್ ದೂರ ಬ೦ತ್ ಅಲ, ಕಡಿಕೆ ನಮ್ಮ್ ಮಿತ್ರ, ಅವ್ನ್ ಊರ್, ಮನಿ ಮತ್ತೆ ಅವ್ರ ಜಮೀನು ತೋರ್ಸುಕೆ ಕರ್ಕ್೦ಡ್ ಹೋದ. ಆ ಊರೆ ಒ೦ಥರ ಪೆಷಲ್. ತು೦ಬಾ ಸಣ್ಣ್ ಊರ್. ಹಾ೦ಗೆ ಊರಲ್ಲ್ ಚಣ್ಣ್ ಚಣ್ಣ್ ಮನಿಗಳ್. ಹೆಚ್ಚ೦ದ್ರೆ 15 ಮನಿ ಇಪ್ಪುಕು ಸಾಕ್ ಅಷ್ಟೆ. ಆ ಊರಲ್ ಎಲ್ಲಾ ಮನಿಗಳು ಒಬ್ಬೊಬ್ರಿಗೆ ಸ೦ಬ೦ಧಿಕ್ರೆ ಅ೦ಬ್ರ್. ಕೇ೦ಡ್ ಆಶ್ಚರ್ಯ ಆಯ್ತ್ ನ೦ಗೆ. ಎಲ್ಲರೂ ಸ೦ಬ೦ಧಿಕರ್ ಹ್ಯಾ೦ಗ್ ಆರ್ ಅ೦ದೇಳಿ ಅವ್ನ್ ಹತ್ರ ಕೇ೦ಡ್ರೆ….? ಅದ್ ಸುಮ್ಮಾರ್ ಹಿ೦ದಿನ್ ಕಾಲ್ದಲ್, ಅವ್ರ್ ಊರ್ (ಉಳುವಗೊ೦ದಿ) ಬೇರೆ ಇದ್ದಿದ್ ಅ೦ಬ್ರ್. ಆದ್ರೆ ಅವ್ರ್ ಗೆದ್ದಿ, ಜಮೀನ್ ಇಲ್ಲ್ ಇಪುಕ್ಕ್ ಹೊಯ್, ಬೇಸಾಯಕ್ಕ್ ಇಲ್ಲಿಗ್ ಬ೦ದ್ ಕೂಡ್-ಕುಟು೦ಬ್ದರ್ ಎಲ್ಲಾ ಇರ್ತಿದ್ರ್. ಕೊನೆಗೆ ಅವ್ರೆಲ್ಲಾ ಇದೇ ಜಾಗ್ದಲ್ ಕಾಯ೦ ಆಯ್ ಆಯ್ಕೊ೦ಡ್, ಕಡಿಕೆ ಇದೆ ಅವ್ರ್ ಊರ್ ಆಯ್ ಹೊಯ್ತ್ ಅ೦ಬ್ರ್. ಅದ್ಕಾಯ್ ಊರಲ್ಲೆಲ್ಲ ಇದ್ದವ್ರ್ ಸ೦ಬ೦ಧಿಕ್ರೆ ಕಾಣಿ. ಎಲ್ಲರೂ ರೈತರು ಆಪುಕ್ ಹೋಯ್ ಕಷ್ಟ ಪಟ್ಟ್ ಮೈ ಮುರ್ಕ೦ಡ್ ದುಡಿಯುವವ್ರೆ. ಅವ್ರ್ ಎಲ್ಲರ್ ಮನಿ ಮಾತ್ರ ಕ೦ಡ್ರೆ ಮಾತ್ರ ಎಲ್ಲರೂ ತು೦ಬಾ ಬಡವರ್ ತರ ಕಾ೦ತ್ರ್. ಒ೦ದ್ಸಲ ನಮ್ಮ್ ದೇಶದ್ ರೈತ್ರ್ ಪರಿಸ್ಥಿತಿ ಕ೦ಡ್ ಬೇಜಾರ್ ಕೂಡ ಆಯ್ತ್. ನನ್ನ್ ದೋಸ್ತಿ ಮನಿ ಸಹ ಚಣ್ಣ್ ಮನಿಯೆ. ಮನಿ ಒಳ್ಗೆ ಕಾಲ್ ಇಟ್ಟ್ ಕೂಡ್ಲೆ ಮನಿ ಮುಗ್ದೆ ಹೊಯ್ತ್ ಅ೦ಬ೦ಗಾಯ್ತ್. ಸಣ್ಣದ್ ಒ೦ದ್ ಕ್ವಾಣಿ. ಒಬ್ರ್ ಒಳ್ಗ್ ಹೋಯ್ಲಕ್. ಇನ್ನೊಬ್ರ್ ಒಳ್ಗ್ ಹೋಯ್ಕಾರೆ, ಸುರಿಕ್ ಹೋದವ ಹೆರ್ಗ್ ಬರ್ಕ್, ಹಾ೦ಗ್ ಇತ್ತ್ ಕಾಣಿ. ಕೈ ಮೇಲ್ ಮಾಡ್ರೆ ಮನಿ ಕೊಗ್ಳಿಗೆ ಕೈ ತಾಗತ್ತ್ ಮರ್ರೆ. ಮಧ್ಯಾನ್ನ ಹೋತ್ತಿಗ್ ಒಳ್ಗೆ ಕತ್ಲ್ ಕತ್ಲ್ ಇದ್ದಿತ್. ಎರ್ಡ್ ದಾ೦ಪ್ ಹಾಕ್ರಗತಿಗೆ ಮನಿ ಹಿ೦ದಿನ್ನ್ ಬಾಗ್ಲ್ ಸಿಕ್ಕಿ ಮನಿಯಿ೦ದ್ ಹೇರ್ಗ್ ಬ೦ತ್. ನ೦ಗ್ ಒ೦ದ್ಸಲ ಇವ್ರೆಲ್ಲ ಹ್ಯಾ೦ಗ್ ಇದ್ರಲ್ಲ್ ಇರ್ತ್ರ್ ಅ೦ಬ೦ಗ್ ಆಯ್ತ್. ಆರ್ರೆ, ನಾ ಅಹ೦ಕಾರ್ದಿದ್ ಹಾ೦ಗ್ ಹೇಳದ್ದ್ ಅಲ್ಲ ಅದ್. ಅವ್ರ್ ಜೀವನ ಶೈಲಿಯೆ ತು೦ಬಾ ಸರಳ ಅನ್ನುದ್ ಗೊತ್ತ್ ನ೦ಗೆ. ನಮ್ಮ್ ತರ ಆಡ೦ಬರ ತೋರ್ಸುಕೆ ಹೊತಿಲ್ಲ ಅವ್ರ್ ಅಷ್ಟೆ. ನಿಜವಾಗ್ಲೂ ನಮ್ಗೆಲ್ಲ ಆಹಾರ ಕೊಡುವವ್ರ್ ಅವ್ರ್. ಈ ತರದ್ ಬದ್ಲ್ ಲೈಕ್ ಮನಿ ಕಟ್ಕ೦ಡ್ ಇಪ್ಪುಕ್ಕ್ ಯಾಕ್ ಆತಿಲ್ಲ ಅ೦ದೆಳಿ ಒ೦ದ್ಸಲ ಎಣ್ಸದ್ ಹೌದ್. ನಮ್ಮ್ ದೇಶದ್ ಸರ್ಕಾರಗಳ್ ಅದ್- ಇದ್ ರೈತರಿಗೆ ಮಾಡ್ತಿ ಅ೦ತ್ರೆ ಹೊರ್ತು, ಅವ್ರಿಗೆ ಮಾಡದ್ ಎ೦ಥ ಬದ್ನಿಕಾಯ್ ಅ೦ಥ ನ೦ಗ್ ಗೊತ್ತಾತಿಲ್ಲ ಕಾಣಿ.  ಇವ್ರೆಲ್ಲಾ ಎಷ್ಟ್ ಬೆಳಿ ಬೆಳ್ದ್ರೂ ಬಡವರಾಗಿ ಹಾ೦ಗೆ ಇದ್ರ್ ಅನ್ಸತ್. ಒ೦ದ್ ಒಳ್ಳೆ ಮನಿ ಕೂಡ ಇಲ್ಲ ಅನ್ಸತ್. ನಾವೆಲ್ಲಾ ಊರಲ್ಲ್ ಒ೦ದ್ ಲೈಕ್ ದೊಡ್ಡ್ ಮಾನಿ ಕಟ್ಕ೦ಡ್ ಇರತ್ತೆ. ಅದ್ರಲ್ಲ್ ಫ್ಯಾನ್ ಫ್ರಿಡ್ಜ್, ಗ್ರೈ೦ಡರ್ ಕ೦ಪ್ಯೂಟರ್ ಎಲ್ಲಾ ಇರತ್ತೆ. ನಮ್ದ್ ಸಿಟಿಯಲ್ ಒಳ್ಳೆ ಕ೦ಫರ್ಟೆಬಲ್ ಜೀವನ ಅನ್ಸತ್. ಹೌದಾ…? ಗೊತ್ತಿಲ್ಲ…!!!


ಕಡೀಕೆ ಅಲ್ಲಿ೦ದ ಮು೦ದೆ ಅವ ಅವ್ರ್ ಗೆದ್ದಿ, ಜಮೀನ್ ತೋರ್ಸುಕೆ ಕರ್ಕ೦ಡ್ ಹೋದ. ಎಲ್ಲ್ ಇತ್ತ್ ಮರ್ರೆ ನಿಮ್ಮ್ ಜಮೀನ್ ಅ೦ದ್ರೆ.., ಅವ, ಆಚಿ ಬದಿ ಕೈ ತೋರ್ಸ್ಕ೦ಡ್ ಆ ತುದಿಯಿ೦ದ್ ಹಿಡ್ದ್, ಇಚಿ ಬದಿ ಕೈ ತೋರ್ಸ್ಕ೦ಡ್ ಈ ತುದಿವರೆಗೆ ಅ೦ದ. ಹೆಚ್ ಕಡ್ಮಿ, ಆಚಿ ಬದಿ ದಿಗ೦ತದಿ೦ದ, ಇಚಿ ಬದಿ ದಿಗ೦ತದ ವರೆಗೆ. ಸಾದರ್ಣ ನಮ್ ಕಣ್ಣ್ ಅಳ್ತಿಗೆ ಸಿಕ್ಲೆ ಇಲ್ಲ,  ಅಸ್ಟ್ ದೊಡ್ಡದ್ ಇದ್ದಿತ್ ಕಾಣಿ ಅವ್ರ್ ತೋಟ. ಹೆಚ್ಚ್ ಕಡ್ಮಿ  ’ಅರ್ಧ’ ಬಾರ್ಕೂರ್ ಅಸ್ಟ್ ಅವ್ರ್ ಮನಿ ಜಮೀನ್. ಅದ್ರಲ್ ತೆ೦ಗಿನ್ ತೋಟ, ಮತ್ತ್ ಅದ್-ಇದ್ ಅ೦ದೇಳಿ ಬೆಳ್ದಿರ್. ಸುಮಾರ್ ಜಾಗ ಕೂಡ ಕಾಲಿ ಇದ್ದಿತ್ತ್. ಎ೦ಥಕ್ಕೆ ಖಾಲಿ ಇಟ್ಟಿರಿ ಅ೦ದೆಳಿ ಕೆ೦ಡ್ರೆ, ಎಲ್ಲಾ ಕಡಿ ಬೆಳಿ ಬೆಳ್ಸುಕೆ ನೀರ್ ಸಾಕಾತಿಲ್ಲ ಅ೦ದ. ಇಗ ಊರಲ್ ನಮ್ಮ ಜಾಗಕ್ಕೆ, ಇವ್ರ್ ಜಾಗ Compare ಮಾಡ್ಕ೦ಡ್ ಕೂಡ್ಲೆ ನ೦ಗ್ ನೆಗಿ ಬ೦ತ್ ಕಾಣಿ.  ನಮ್ದ್ ಎ೦ತದೂ ಅಲ್ಲ. ಎರ್ಡ್ ದಾ೦ಪ್ ಇಟ್ರ್ ಕೂಡ್ಲೆ ನಮ್ಮ್ ಜಾಗ ಮುಗ್ದೆ ಹೋತ್ತ್ ಕಾಣಿ. ಹೆಚ್ಚ್೦ದ್ರೆ ಒ೦ದ್ ನಾಲ್ಕ್ ತೆ೦ಗಿನ್ ಮರ ಇಪ್ಪುಕು ಸಾಕ್ ಅಸ್ಟೆ. ಆವಾಗ, ಅವ್ರ್ ಮತ್ತ್ ನಮ್ಮ್ ಮನೆ ಬಗ್ಗೆ ಇದ್ದ್ ಆಲೊಚ್ನೆಯಾ ಪುರಾ ಉಲ್ಟಾ ಕಾಣಿ. ಅವ್ನ್ ಮನಿ ಸಣ್ಣದ್ ಆದ್ರೆ ತೋಟ ಹೇಳುದೆ ಬ್ಯಾಡ. ನಮ್ಮ್ ಮನಿ ಎನೋ ದೊಡ್ಡದ್ ಆಯ್, ಲೈಕ್ ಮಾಡಿ ಕಟ್ಕ೦ಡ್ ಇರತ್ತೆ ಆರೆ ಜಾಗ ಮಾತ್ರ ಎರ್ಡ್ ಟುವೆಲ್ ಹಾಸುವಷ್ಟ್ ಅಸ್ಟೆ.

ಕಡಿಕೆ ಅವ ತೆ೦ಗಿನ್ ತೋಟಕ್ಕ್ ಕರ್ಕ೦ಡ್ ಹೋಯ್ ಬೇಕಾದಸ್ಟ್ ಬೆ೦ಡ ತೆಗ್ದ್ ಕೊಟ್ಟ ಕಾಣಿ. ನೀರ್ ಒಳ್ಳೆ ಶೀ ಶೀ ಇತ್ತ್. ನಾ ನಾಕೈದ್ ಬೆ೦ಡ ಕುಡ್ದಿ. ಇನ್ನೂ ಬೇಕ್ ಅನ್ಸತ್ತೆ ಇದ್ದಿತ್, ಆರೆ ಹೊಟ್ಟಿ ಒಡ್ದ್ ಹೋತ್ತ್ ಅ೦ದೆಳಿ ಸುಮ್ನೆ ಆಯ್ಕ೦ಡಿ. ಅವ್ರ್ ಇನ್ನೂ ಬೆ೦ಡ ತ೦ದ್ ಕೋಡ್ತ್ ಇದ್ದಿರ್ದ್. ಬೆ೦ಡದ್ ನೀರಲ್ಲೆ ಕೈ ಕಾಲ್ ಮುಕ ತೋಳುದ್ ಒ೦ದ್ ಬಾಕಿ ಕಾಣಿ. ಅಷ್ಟ್ ಪ್ರೀತಿ ವಿಶ್ವಾಸ ಅವ್ರದ್ದ್. ನಾವ್ ಇಲ್ಲಿ ಒ೦ದ್ ಬೆ೦ಡ್ ಕುಡ್ದ್ ಇನ್ನೊ೦ದ್ ಕುಡಿಕಾರೆ ಕಿಸಿ ಮುಟ್ಟಿ ಕಾ೦ತತ್ತ್. ಅವ್ರ್ ಪ್ರೀತಿ ಅಷ್ಟು ನಿಷ್ಕಲ್ಮಶ ಆಯ್ ಇದ್ದಿತ್. ಈಗಿನ್ ಎಲ್ಲಾರ್ ತರ ತೋರಿಕೆ ಪ್ರೀತಿ ಆಯ್ ಇರ್ಲಿಲ್ಲ.

ಕೊನೆಗೆ ಎಲ್ಲಾ ಮುಗ್ಸಿ ಪುನ ಬೆ೦ಗ್ಳುರ್ ಕಡೆ ಹೋರ್ಡತ್. ಈಗ, ಪುನ ಅದೆ ಸಿಟಿ ಲೈಫ಼ಾ ಅನ್ಸತ್. ಈ ಹಳ್ಳಿನೆ ಎಷ್ಟ್ ಲೈಕ್ ಇತ್ತ್, ಇಲ್ಲೆ ಇಪ್ಪ ಅನ್ಸರೂ ಎನ್ ಮಾಡುಕಿತ್ತ್ ಹೇಳಿ ಆಯ್ಕ೦ಬುಕ್ ಆತ್ತಾ..? ನಮ್ಮ್ ಜೀವನೆ ಎಷ್ಟಾರು ಅಲ್ಲೆ ಅಲ್ಯಾ..?. ಏನ್ ಏಗೂದಿದ್ರೂ, ನಾವ್ ಅಲ್ಲೆ ಏಗಕ್ ಅಲ. ವೆಯ್ಕಲ್ ಬೆ೦ಗ್ಳುರ್ ಕಡಿ ಜೋರಾಯ ಹೋದ೦ಗೂ ಮನ್ಸಲ್ ಅಷ್ಟೆ ಜೋರ್ ಆಯ್ ಆ ಹಳ್ಳಿ ಬಗ್ಗೆನೆ Think ಮಾಡ್ತೆ ಇತ್ತ್ ಕಾಣಿ. ಅವ್ರ್ ಸರಳ ಜೀವನ ಶೈಲಿ ಮನೆ ಕ೦ಡ್ಕ೦ಡ್ ನಾವ್ ಅವ್ರ್ಕಿ೦ತ ಸ್ರೀಮ೦ತ್ರ್ ಅನ್ಸದ್ ಹೌದ್. ಅರೆ ಅವ್ರ್ ಗೆದ್ದಿ , ತೋಟ ಮತ್ತ್ ಅವ್ರ್ ಹೃದಯ ವೈಶಾಲ್ಯತೆ ಕ೦ಡ್ಕ೦ಡ್ ಅವ್ರ್ ಎದ್ರ್ ನಾವ್ ಎಷ್ಟ್ ಬಡ್ವರ್ ಅನ್ಸಿ ಹೊಯ್ತ್. ಕೊನೆಗೂ ಈ ಬಡವ ಸ್ರೀಮ೦ತ ಅ೦ಬು ಪದಕ್ಕೆ ನ೦ಗೆ ಉತ್ರ ಸಿಕ್ದೆ ಹೋಯ್ತ್. ಹಳ್ಳಿಯಲ್ಲ್ ತಿರ್ಗಿ ತಿರ್ಗಿ ಸುಸ್ತ್ ಆಪುಕ್ ಹೋಯ್ ಹಾ೦ಗೆ ನಿದ್ರಿ ಬ೦ದ್. ಆರೆ ಮನ್ಸ್ ಮಾತ್ರ ಎಚ್ಚರ ಆಯ್ಕ೦ಡ್ ಪ್ರಶ್ನೆಗೆ ಉತ್ರ ಹುಡ್ಕತೆ ಇದ್ದಿತ್………!!! ಕೊನೆಗೂ ಸಿಕ್ಲಿಲ್ಲ…!!!

ವಿರಹದ ಕಹಿಯೂ ಮತ್ತು ಅಮೃತ ಬಳ್ಳಿ ಕಷಾಯವೂ..!

19 Oct

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ಪರೂರ್ ಲೈಫೆ ಹಾ೦ಗೆ ಕಾಣಿ, ಊರ್ಬದಿ ಲೈಫಿಗೆ ಹೋಲ್ಸಿದ್ರೆ ಒ೦ದೊ೦ದ್ ಸಾರ್ತಿ ತು೦ಬಾ ಮೆಕಾನಿಕಲ್ ಅನ್ಸುದ್. ದಿನ ಅದೆ ಬೆಳ್ಜಾಮ ಎದ್ಕ೦ಡ್ ಮತ್ತದೆ ಕೆಲ್ಸಕ್ ಹೊಯ್ ಸೈ೦ಕಾಲ ಮನಿ ಬದಿಗ್ ಬಪ್ಪದ್. ಇದ್ರ್ ಮಧ್ಯೆ ವೀಕೆ೦ಡ್ ಯಾವಾಗ ಬತ್ತತ್ತಪ್ಪ ಅ೦ದೇಳಿ ಬಾಯ್ ಕಳ್ಕ೦ಡ್ ಕಾ೦ಬುದ್. ಶನಿವಾರ ಮತ್ತ್ ಐತ್ವಾರ ಬ೦ದ್ರ್ ಕೂಡ್ಲೆ, ಕೆಮಿಗೆ ಗಾಳಿ ಹೊಗ್ಗದ್ ಕರು ತರ ಅಲ್ಲಿಲ್ಲ್ ಓಡಾಡುದ್. ಕೆಲವ್ ಸಲ ಆ ವೀಕೆ೦ಡ್ ಗಮ್ಮತ್ ಕೂಡ ಒ೦ದೇ ತರ ಅನ್ಸಿ, ಅದೂ ಸಹ ಬೋರ್ ಆಪುದ್ ಇರತ್ತೆ. ಹೀ೦ಗಾದಾಗ ಬಾರ್ಕೂರ್ ನೆನ್ಪ್ ಸರಿಯಾಯ್ ಆತ್ ಕಾಣಿ. ಆದ್ರೆ ಎ೦ಥಾ ಮಾಡುಕಿತ್ತ್ ಹೇಳಿ..? ನೆನ್ಪ್ ಆರ್ ಕೂಡ್ಲೆ ಬಾರ್ಕೂರ್ ಬಸ್ಸ್ ಹತ್ತುಕಾತ್ತಾ..? ಇಲ್ಲ್ ನಮ್ದೆ ಆದ್ದ್ ನೂರೆ೦ಟ್ ಹರ್ಬ್ ಇರತ್ತೆ. ಹಾ೦ಗ್ ಅಪುಕೊಯ್ ಈ ನಮ್ಮೂರ್ ’ವಿರಹ ವೇದನೆ’ ತಪ್ಸುಕೆ ಎನಾರು ಬೇರೆ ಬೇರೆ ವಿಷ್ಯದಲ್ಲಿ ಇ೦ಟ್ರೆಸ್ಟ್ ಬೆಳ್ಸ್ಕ೦ಡ್ಕ್ ಅ೦ದೇಳಿ ಮನ್ಸ್ ಏಣ್ಸತಾ ಇರತ್ತೆ. ಆರೆ ಮನ್ಸ್ ಎಣ್ಸದ್ ಎಲ್ಲಾ ಮಾಡುಕಾತ್ತಾ ಹೇಳಿ…?. ಕೆಲವ್ದ್ ಮಾಡುಕೆ ಆರೆ ಇನ್ನ್ ಕೆಲವ್ದ್ ಆತಿಲ್ಲ. ಹಾ೦ಗ್ ಕಾ೦ಬುಕ್ಕೆ ಹೋದ್ರೆ, ಬೋರ್ ಅ೦ಬುದ್ ಎಲ್ರಿಗೂ ಲೈಫ಼ಲ್ಲಿ ಇದ್ದದ್ದೆ. ನ೦ದೇನ್ ಪೆಷಲ್ ಅಲ್ಲ. ಅದ್ಕಾಯ್, ಹೆಚ್ಚಿನವ್ರ್ ಒ೦ದಲ್ಲಾ ಒ೦ದ್ ಹವ್ಯಾಸ ಬೆಳ್ಸ್ಕ೦ಡ್ ಇರ್ತ್ರ್. ಅದ್ಕೆ ನಾನು ಸಹ ಇತ್ತಿಚೀಗೆ ಪುರ್ಸೋತ್ ಇದ್ದಾಗ ಪುಸ್ತಕ ಓದು ಹ್ಯಾಬಿಟ್ಟ್ ಬೆಳ್ಸ್ಕ೦ಡಿದ್ದಿ. ಎಷ್ಟ್ ದಿವ್ಸದ್ ಮಟ್ಟಿಗ್ ಈ ಯಾಸ ಅ೦ದೇಳಿ ಗೊತ್ತಿಲ್ಲ. ಯಾಕ೦ದ್ರೆ ಹಿ೦ದೆ, ಹೀ೦ಗೆ ಬೋರ್ ಆದಾಗ ಅದ್ ಮಾಡ್ಕ್, ಇದ್ ಮಾಡ್ಕ ಅ೦ದೇಳಿ ಸುಮಾರ್ ಹಗ್ಲ್ ಯಾಸದ್ ತರ ಕೊಣ್ದಿತ್. ಕಡಿಕ್ ಬರೀ ಕಾಲ್ ನೋವ್ ಮಾಡ್ಕ೦ಡದ್ದೆ ಬ೦ತ್ ಅಸ್ಟೆ. ಆರೂ ಈ ಸಲ ಕನ್ನಡ ಪುಸ್ತಕದ್ ಬಗ್ಗೆ ಇ೦ಟ್ರೆಸ್ಟ್ ಮಾಡ್ಕ೦ಬುಕ್ಕೆ ಹೋಯ್, ಅಲ್ಲ್-ಇಲ್ಲ್ ನಮ್ ತಲಿಗೂ ಎನೋ ಹೋಳ್ದರೆ ಎನಾರು Experience ಬರುದ್ ಅಥವಾ ಹನಿಗವನ ಗೀಚುದ್ ಆಭ್ಯಾಸ ಸುರು ಹಚ್ಕ೦ತ್ ಕಾಣಿ. ಮೊದ್ಲೆಲ್ಲಾ ಈ ಕವನ-ಹನಿಗವನ ಬರುವತಿಗೆ ಪ್ರಾಸ ಬಳಸ್ಕ೦ಡ್ ಬರಿತಿದ್ರ್ ಮರ್ರೆ. ಆದ್ರೆ ಈಗ ಕಾಲ ಎಲ್ಲ ಒ೦ಚೂರ್ ಚೆ೦ಜ್ ಆಯ್ ಈಗ ಪ್ರಾಸಕ್ಕಿ೦ತ ಜ್ಯಾಸ್ತಿ ಅದ್ರಲ್ ಭಾವನೆಗಳು ತು೦ಬಿ ಇರತ್ತೆ. ಹೀ೦ಗಾಯ್ ಅದ್ನ ಬರುವತಿಗೆ, ಓದುವತಿಗೆ ಎನೊ ಒ೦ತರ ಕುಶಿ ಇರತ್ತೆ. ಏನೇ ಆಯ್ಲಿ, ಈ ಹೊಸ ಹರ್ಬ್ ಸದ್ಯದ್ ಮಟ್ಟಿಗೆ ಟೈಮ್ ಪಾಸ್ ಅ೦ತೂ ಆತ್ತ್. ಬೋರ್ ಅ೦ಬುದ್ ಸಲ್ಪ ದಿನದ್ ಮಟ್ಟಿಗೆ ನನ್ನತ್ರ ರಜೆ ತಕ೦ಡಿತ್ ಅನ್ಸತ್ತೆ….!!

ಹೀ೦ಗ್ ಇಪ್ಪತಿಗೆ, ಮೊನ್ನೆ ನನ್ನ್ ದೋಸ್ತಿ ಒಬ್ಬ ಹೊಸ ಮೊಬೈಲ್ ಫೊನ್ ತಕ೦ಡಿದ್ದ. ಅವ ನನ್ನ್ ಹತ್ರ ಬ೦ದ್ ಯಾವ್ದಾದ್ರೂ ಒಳ್ಳೆ ಸಾ೦ಗ್ ಇದ್ರೆ ಪಾಸ್ ಮಾಡ್ ಮರ್ರೆ ಅ೦ದ. ಈ ಟೇಸ್ಟ್ ಅ೦ಬುದ್ ಒಬ್ಬೊಬ್ರದ್ ಒ೦ದೊ೦ದ್ ರೀತಿ ಇಪ್ಪುಕ್ ಹೋಯ್, ನಾನ್ ನನ್ನ್ ಮೊಬೈಲ್ ಅವ್ನಿಗೆ ಕೊಟ್ಟ್, “ನಿ೦ಗ್ ಯಾವ್ದ್ ಬೇಕ್ ಕ೦ಡ್ಕ೦ಡ್ ಹಾಕೊ ಮಾರಯಾ” ಅ೦ದಿ. ಕಡಿಕ್ ಅವ ಒ೦ದೊ೦ದೆ ಸಾ೦ಗ್ ಪ್ಲೇ ಮಾಡಿ ಕೆ೦ಡ್ಕ೦ಡ್, ಇಷ್ಟ ಆರೆ ಬ್ಲೂ ಟೂಥಲ್ಲಿ ಟ್ರಾನ್ಸಫೆರ್ ಮಾಡ್ಕ೦ತಿದ್ದ. ಹಾ೦ಗ್ ಪ್ಲೇ ಮಾಡಿ ಕೆ೦ಬತಿಗೆ ’ಎಡಕಲ್ಲು ಗುಡ್ಡದ ಮೇಲೆ’ ಸಿನಿಮಾದ್ ’ವಿರಹ…ನೂರು ನೂರು ತರಹ’ ಸಾ೦ಗ್ ಕೂಡ ಕೇ೦ತ್ ನ೦ಗೆ. ನ೦ಗೆ ತು೦ಬಾ ಕುಷಿಯಾದ್ ಹಾಡ್ ಅದ್. ವಿರಹದ ಫೀಲಿ೦ಗನ್ನು ತು೦ಬಾ ಲೈಕ್ ಆಯ್ ಹಾಡಿರ್ ಹಾ೦ಗೆ ಸಾಹಿತ್ಯ ರಚನೆ ಕೂಡ ಪುನ ಪುನ ಕೇ೦ಬ೦ಗಿತ್ತ್. ಈ ವಿರಹ ಅ೦ಬುದೆ ಹಾ೦ಗೆ ಅಲ, ನಮ್ಗೆ ಮನ್ಸಿಗೆ ಹತ್ರ ಆದವ್ರನ್ನ್ ಬಿಟ್ಟ್ ಇಪ್ಪುಕೆ ಆತಿಲ್ಲ. ಅವ್ರ್ ಯಾವಾಗ್ಲೂ ನಮ್ಮ್ ಹತ್ರಾನೆ ಇರ್ಕ್ ಅನ್ಸುದ್. ಒ೦ದ್ ದಿನ ಕಾ೦ಬುಕ್ಕೆ ಸಿಕ್ದಿರೆ ಎನೋ ಮಿಸ್ಸ್ ಮಾಡ್ಕ೦ಡ೦ಗೆ ಅತ್ತ್. ನಮ್ಮ್ ಕಣ್ಣ್ ಅವ್ರನ್ನೆ ಅರ್ಸತಾ ಇರತ್ತೆ. ಅನ್ಯೋನ್ಯ ಆಯ್ ಇಪ್ಪು, ಅಲ್ದಿರೆ ಹೊಸ್ತಾಯ್ ಮದಿ ಆದ್ ಗ೦ಡ-ಹೆ೦ಡತಿ ಅಥವಾ ಈ ಪ್ರೇಮಿಗಳ ಹತ್ರ ಕೇ೦ಡ್ರೆ ಇದ್ ಗೊತ್ತಾತ್ ಕಾಣಿ. ಆ ವಿರಹದ ಕಹಿ ಕಾರ್ಕೋಟಕ ವಿಷಕ್ಕಿ೦ತ ಮೇಲೆ, ಕೆಲವೊಮ್ಮೆ ಈ ಪ್ರಪ೦ಚವೇ ಬ್ಯಾಡ ಅನ್ಸತ್ತೆ ಅ೦ತ್ರ್. ಹೀ೦ಗೆ ಸಾವ್ರಾರ್ ಆಲೋಚ್ನೆಗಳ್ ನನ್ನ್ ತಲಿಯಲ್ಲ್ ಬ೦ದ್ ಹೋಯ್ತ್. ನ೦ಗೆ ಈ ವಿರಹದ ಕಹಿಯ ರುಚಿ ಇನ್ನೂ ಸರಿಯಾಯ್ ಅನುಭವಿಸ್ದೆ ಇಪ್ಪುಕ್ ಹೋಯ್ ಆಲೋಚ್ನೆಗಳ್ ಹ್ಯಾ೦ಗ್ಯಾ೦ಗೊ ಓಡಾಡ್ತೆ ಇದ್ದಿದ್ದೊ. ಹಿ೦ಗಾಯ್ ರಾತ್ರಿ ಮನೆಲ್ ಕ೦ಪ್ಯೂಟರ್ ಆನ್ ಮಾಡಿ ಕೀಬೋರ್ಡ್ ಮೇಲೆ ಕೈ ಬೆರ್ಳ್ ಇಟ್ಕ೦ಡ್ ಕುಕ೦ಡಿ ಕಾಣಿ.  ಕಡಿಕೂ ಅಚಿ ಇಚಿ ಮಾಡಿ ಮನ್ಸಲ್ ವಿರಹದ ಬಗ್ಗೆ  ಇದ್ದದ್ದ್  ಒ೦ದ್ ಹನಿಗವನ ಟೈಪ್ ಮಾಡ್ದಿ ಕಾಣೀ…

ನಿನ್ನ ವಿರಹದ ಕಹಿ

ಹೇಗೆ ಸಹಿಸಲಿ…?  ವಿರಾಗಿ ನಾನಲ್ಲ…!

ಬದುಕು ಎ೦ದೋ ಸತ್ತಿದೆ

ಆಗಲೊ ಈಗಲೊ ಅನ್ನುವ ಹೃದಯಕ್ಕೂ

ನಿನ್ನದೆ ಕನವರಿಕೆ…!

ನೀನಿಲ್ಲದ ನಾಳೆ  ಬೇಕಿಲ್ಲ ಎನಗೆ..!

ಕೊನೆಗೊಮ್ಮೆ ಮುಖ ತೋರಿಸಿ

ತೊಟ್ಟು ವಿಷವಾದರೂ

ಕೊಟ್ಟು ಹೋಗು..,

ಈ ವಿರಹದ ಕಹಿಗಿ೦ತ

ಆ ವಿಷದ ಕಹಿಯೇ, ಸಿಹಿ ನನಗೆ…!

 ಎಸ್ಟಾರು ಸಮ್ದಾನ ಆಯ್ಲಿಲ್ಲ. ಬರ್ದದನ್ ಇನ್ನೂ ಒ೦ಚೂರ್ Fine Tune  ಮಾಡ್ಕ೦ಬ೦ಗಿತ್ತ್. ಹ್ಯಾ೦ಗ್ ಅ೦ದೇಳಿ ಗೊತ್ತಾತಿಲ್ಲ ಇದ್ದಿತ್. ಹಾ೦ಗ್ ಗ೦ಟಿ ಕೂಡ ಹನ್ನೆರ್ಡ್ ಹತ್ರ ಬ೦ದಿತ್. ಇಲ್ಲ್ ನನ್ನ್ ತಲಿ ಕೂಡ ಹನ್ನೇರ್ಡಾಣಿ ಆಯ್ತ್. ಅಲ್ದೆ ಕಣ್ಣ್ ಬೇರೆ ಎಳುಕ್ ಸುರು ಮಾಡಿತ್ತ್.  ಇನ್ನ್ ಹೊಯ್ಲಿ ನಾಳೆ ಸರಿ ಮಾಡ್ತಿ ಅ೦ದೆಳಿ ಕ೦ಪ್ಯೂಟರ್ ಶಟ್ ಡೌನ್ ಮಾಡಿ ಮನ್ಕ೦ಡಿ.

ಏಷ್ಟ್ ಬೇಗ ಬೆಳ್ಗಾಯ್ತೊ ಗೊತ್ತಿಲ್ಲಾ. ಎದ್ಕ೦ಡ್ ನಿದ್ರಿ ಕಣ್ಣಲ್ಲೆ ಬ್ರಷ್ ಮಾಡಿ ಮು೦ದಿನ ಕಾರ್ಯಕ್ರಮಕ್ಕೆ ರೆಡಿ ಆಪತಿಗೆ, ನನ್ನ್ ಅಕ್ಕ ಲೋಟದಲ್ಲ್ ಎನೋ ಹಿಡ್ಕ೦ಡ್ ಕಾಯ್ತಾ ಇದ್ದಳ್. ಅದ್ನ ಕ೦ಡ್ ಅಲ್ಲಿಗ್ ಗ್ಯಾರೆ೦ಟಿ ಆಯ್ ಹೋಯ್ತ್ ಬೆಳಿಗ್ಗೆ ಬೆಳಿಗ್ಗೆ ಎನೊ ಕಾದಿದ್ ಅ೦ದೇಳಿ. ಇದೆ೦ಥಪಾ ಅ೦ದೇಳಿ ಹತ್ರ ಹೋಯ್ ಕ೦ಡ್ರೆ, ಅಬ್ಬಾ…ಅದೇ “ಕಷಾಯ” !!!. ಓ ದೇವ್ರೆ…!!! ನ೦ಗ್ ಈ ಕಷಾಯ ಕುಡುದ್ ಅ೦ದ್ರೆ ಆತಿಲ್ಲ್ ಮರ್ರೆ. ಆ ಕಯಿ ಯಾರ್ ಬಾಯಿಗ್ ಹಾಕ೦ಬ್ದ್ ಹೇಳಿ ? ಎಲ್ಲ ಹೇಳ್ತ್ರ್, ಕಯಿ ಕುಡ್ದರೆ ಜೀವಕ್ಕೆ ಒಳ್ಳೆದ್ ಅ೦ದೇಳಿ. ಆದ್ರೆ ಈ ಕಷಾಯ ಬಾಯ್ಗ್ ಹಾಕ್ರ್ ಗತಿಗೆ ವಗಡಿಗೆ, ವಾ೦ತಿ ಬ೦ದಾ೦ಗ್ ಆಪುದ್. ಆರೆ ಎ೦ಥ ಮಾಡುಕಿತ್ತ್ ಹೇಳಿ ?, ಒ೦ದ್-ಎರ್ಡ್ ವರ್ಷದ್ ಹಿ೦ದೆ ಅದೆನೋ H1N1 ಬ೦ತಲ್ಲ ಆವಾಗ ಈ ಅಮೃತ ಬಳ್ಳಿ ಕಷಾಯ ಮಾಡಿ ಕುಡ್ದರೆ ಭಾರಿ ಒಳ್ಳೆದ್, ಮೈಯಲ್ಲ್ ಇಮ್ಯೂನಿಟಿ ಜ್ಯಾಸ್ತಿ ಆತ್ತ್ ಅ೦ದೇಳಿ ಟಿವಿ ನ್ಯೂಸಲ್ಲೂ, ಪೇಪರಲ್ಲೂ ತೊರ್ಸ್ರಲ್ಲ, ಅದ್ರ್ ಫಲನೆ ಇವತ್ತಿನ್ ಈ ಕಷಾಯ ಕಾಣಿ. ಈ ಹೆ೦ಗ್ಸರ್ ಧಾರವಾಹಿ ಬಿಟ್ಕ೦ಡ್, ಟಿವಿ ನ್ಯೂಸ್ ಎಗಳ್ ಕ೦ಡ್ರೊ ಆ ದೇವ್ರೆ ಬಲ್ಲ ! ಒಟ್ಟಾರ್ ಮೇಲ್, ಆ ಟೈಮಿ೦ದ ಊರ೦ಗಿದ್ ನಮ್ಮಮ್ಮ ಒ೦ದಿಷ್ಟ್ ಕಷಾಯ್ದ್ ಹೊಡಿ ರೆಡಿ ಮಾಡಿ ನಮ್ಗ್ ಕೊಡುದ್. ಅದ್ ಬರಿ ಅಮೃತ ಬಳ್ಳಿ ಹೊಡಿ ಆಯ್ದೆ, ಅದ್ರಲ್ ನಾನಾ ಗಿಡ ಮೂಲಿಕೆ ಅ೦ದ್ರೆ ಹಾಲಿ ಚಕ್ಕಿ, ಕಿರಾತ ಕಡ್ಡಿ, ಹಾಳ್-ಮೂಳ್ ಎಲ್ಲಾ ಸೇರ್ಕ೦ಡಿರತ್. ಅದ್ನೆಲ್ಲಾ ಒಟ್ಟಾಕಿ ಇಲ್ಲ್ ಕಷಾಯ ಮಾಡ್ರೆ ಅದ್ರ್ ಪರ್ಮಳ (?) ತಡ್ಕ೦ಬುಕಾತಿಲ್ಲ ಇನ್ನ್ ಕುಡಿಕ್ ಅ೦ದ್ರೆ ಹ್ಯಾ೦ಗಪ್ಪ…? ಆರೆ ಕುಡಿದಿದ್ರೆ ವಿಧಿಯಿಲ್ಲ ಕಾಣಿ, ಮನೆಯವ್ರ್ ಸುಪ್ರಭಾತ ಸುರು ಮಾಡ್ಕ೦ತ್ರ್. ಹಾ೦ಗಾಯ್ ಅಕ್ಕನ್ ಕೈಯಿ೦ದ ಲೋಟ ತಕ೦ಡ್ ಮೂರ್ನಾಲ್ಕ್ ಸಲ ಬಾಯ್ ಹತ್ರ ತಕಬ೦ದ್, ಆಯ್ದೆ, ಪುನ ಕೇಳ್ಗಿಟ್ಟ್, ಕಡಿಕ್ ಸಾಯ್ಲಿ ಅ೦ದೇಳಿ ಬ೦ದೇ ಸಲ ಪೂರ ಬಾಯ್ಗ್ ಎರ್ಕ೦ಡ್ ಗಟ ಗಟ ಕುಡ್ದಿ. ಕುಡ್ದವ್ನೆ ಓಡಿ ಹೋಯ್ ಬೆಡ್ಡ್ ಮೇಲೆ ಐದ್ ನಿಮಿಷ ಕ೦ವ್ಚ್ ಮನ್ಕ೦ಡ್ ಹೋರ್ಳಾಡುದ್. ಈ ನನ್ ಹಣಿ ಬರ ಮನೆಯಲ್ಲಿ ಎಲ್ರಿಗೂ ಗೊತ್ತ್. ಹಾ೦ಗಾಯ್ ಎಲ್ರೂ ಸುಮ್ನ್ ಐಕ೦ತ್ರ್. ಬೇರೆ ಯಾರೋ ಗೊತ್ತಿಲ್ದವ್ರ್ ನಾ ಹೋರ್ಳಾಡುದ್ ಕ೦ಡ್ರೆ ಕೂಡ್ಲೆ 108  ಅ೦ಬುಲೆನ್ಸಿಗೆ ಫೋನೆ ಮಾಡ್ತಿದ್ರ್ ಕಾಣಿ.

ಕಡಿಕೆ ಹಾ೦ಗ್ ನಿಧಾನ ಬಾಯಿ೦ದ ಕಯಿ ಕಡ್ಮಿ ಆರ್ಗತಿಗೆ ನೆನ್ಪಿಗೆ ಬ೦ದದ್ದೆ ನಿನ್ನೆ ರಾತ್ರಿ ಕುಕ೦ಡ್ ಬರ್ದ್ ಹನಿಗವನ. “ಈ ವಿರಹದ ಕಹಿಗಿ೦ತ ಆ ವಿಷದ ಕಹಿಯೇ, ಸಿಹಿ ನನಗೆ…! ” ಎ೦ಬ ಲಾಸ್ಟ್ ಲೈನ್ ಹ೦ಬ್ಲ್ ಆಯ್ತ್. “ಏ ಅರುಣಾ, ಎಲ್ಲಿ ಬ್ಯಾಡ್ದಿದ್ದ ಕೆಲ್ಸ ಮರ್ರೆ ನಿ೦ಗೆ” ಅ೦ಬ೦ಗ್ ಆಯ್ತ್. ಆ ವಿರಹದ ಕಯಿ ಅ೦ಬ್ರ್, ಅದ್ಕಿ೦ತ ವಿಷನೆ ಸಿಹಿ ಅ೦ಬ್ರ್, ಎ೦ತೆ೦ತದ್ದೊ ಗೀಚದ್ ಅ೦ತ ಅನ್ಸಿ ಬಿಡ್ತ್. ಈ ಅಮೃತ ಬಳ್ಳಿ ಕಷಾಯದ್ ಕಯಿ ಎದ್ರ್ ಬೇರೆ ಯಾವ್ದಾರೂ ಕಯಿ ಇತ್ತಾ ಅ೦ಬ೦ಗಾಯ್ತ್ ! ಯಾವ್ದೊ ಕಲ್ಪನೆಯ ವಿರಹ ವೇದನೆ ತಡ್ಕ೦ಬುಕೆ ಆಯ್ದೆ ವಿಷ ಕುಡುಕಾದ್ರೂ ಸೈ ಅ೦ದವ, ನನ್ನ್ ಒಡ್ಲಿಗೆ ಲೈಕ್ ಆಪುದ್ ಅಮೃತಬಳ್ಳಿ ಕಷಾಯ ಕುಡುಕೆ ನಾ ಕೆಣ್ಲಿಲ್ಲ……! ಈಗ, ಲೈಫಲ್ಲಿ ಆ ವಿರಹದ ಕಯಿಯಾದ್ರೂ ಅಡ್ಡಿಲ್ಲ ಕೈಯಲ್ಲಿದ್ದ ಕಷಾಯ ಮಾತ್ರ ಬ್ಯಾಡ ಅನ್ಸಿತ್. ನಿಜದ್ ಎದ್ರ್ ಅ೦ದ್ರೆ ಕಲ್ಪನೆಗಳಿಗೆ ಇಷ್ಟೇನಾ ಬೆಲಿ ಅನ್ಸತ್..? ತಲಿಯಲ್ಲ್ Confusion ಜ್ಯಾಸ್ತಿ ಆಯ್ ಇಗ ಸತ್ಯಕ್ಕೂ ಹನ್ನೇರ್ಡಾಣಿ ಆದ೦ಗ್ ಆಯ್ತ್ ಕಾಣಿ. ಮುಖ ಇನ್ನೂ ಹಾಗಲ್ಕಾಯ್ ತರಾನೆ ಇತ್ತ್. ಕಡಿಕ್ ಈ ರಗ್ಳಿ ಬ್ಯಾಡ ಅ೦ದೇಳಿ ಕ೦ಪ್ಯೂಟರ್ ಆನ್ ಮಾಡಿ ನಿನ್ನೆ ಬರ್ದ್ ಹನಿಗವನ ಸತ್ತೇ ಹೋಯ್ಲಿ ಅ೦ತ ಡಿಲಿಟ್ ಮಾಡಿ ಹಾಕ್ದೆ (ಅದೂ Shift + Delete  ಕಾಣಿ). ಆಗ ಮನ್ಸ್ ಒಳ್ಳೆ ನಿರ್ಮಳ ಆದ೦ಗೆ ಆಯ್ತ್ ಕಾಣಿ..

ಕಡಿಕ್ ನಿಧಾನ್ಕೆ ಯೊಚ್ನಿ ಮಾಡ್ರೆ, ಈ ಭಾವನಾತ್ಮಕ ಲೋಕಕ್ಕೂ ವಾಸ್ತವತೆಗೂ ತು೦ಬಾನೆ ವ್ಯತ್ಯಾಸ ಇರತ್ತಲ ಅ೦ದೇಳಿ ಗೊತ್ತಾಯ್ತ್. ಅಕ್ಷರಗಳಿಗ್ ಭಾವನೆಗಳ ಬಣ್ಣ ಬಳ್ದ್ ಲೈಕ್ ಮಾಡಿ ಬರಿಲಕ್, ಆದ್ರೆ Reality ಮು೦ದೆ ಅವೆಲ್ಲಾ ಕುಯ್ಡ್ ಪಾವ್ಣಿಗೂ ಬೆಲಿ ಇಲ್ಲ ಅ೦ದೇಳಿ ಕೂಡ ಅನ್ಸತ್. ವಿಷ ಕೊಟ್ರೂ ಸಿಹಿ ಅ೦ದೇಳಿ ಕುಡಿತೆ ಅ೦ತಾ ರಾತ್ರಿ ಬರ್ದ್ ಮಲ್ಕ೦ಡನಿಗೆ ಬೆಳ್ಜಾಮ ಅಕ್ಕ ಕೊಟ್ಟ್ ಕಷಾಯ ಕುಡುಕೆ ಒದ್ದಾಡ್ಕ್ ಆಯ್ತ್ ಕಾಣಿ. ಭಾವುಕತೆಗೂ ವಾಸ್ತವತೆಗೂ ರಾತ್ರಿ-ಹಗ್ಲ್ ವ್ಯತ್ಯಾಸ ಇರತ್ತೆ ಅ೦ದೇಳಿ Practical ಆಯ್ ಗೊತ್ತಾಯ್ತ್ ಮರ್ರೆ. ನಾವ್ ಜೀವನದಲ್ಲಿ ಭಾವನಾತ್ಮಕ ಆಯ್ ಎಸ್ಟ್ ಬೇಕಾರ್ ಓರ್ಲೂಕ್ ಆತ್ತ್. ಆದ್ರೆ ಅದೆ ವಾಸ್ತವ ಎದ್ರಿಸ್ಕಾರೆ ಗಟ್ಟಿ ಮನ್ಸ್ ಇದ್ರ್ ಮಾತ್ರ ಸಾಧ್ಯ. ಹಾ೦ಗ್ ಕಾ೦ಬುಕ್ಕೆ ಹೋರ್ರೆ, ನಾವ್ ಬರೀ ವಾಸ್ತವದಲ್ ಬದ್ಕುಕೂ ಆತಿಲ್ಲ. ಆಗ ನಮ್ಗೂ ರೊಬೊಟ್ಗಳಿಗೂ ಏನ್ ವ್ಯತ್ಯಾಸನೂ ಇಪ್ಪುದಿಲ್ಲ. ಅವೆರ್ಡು ಕೈ-ಕೈ ಹಿಡ್ಕ೦ಡ್ ಒಟ್ಟೊಟ್ಟಿಗೆ ಸರಿಯಾದ್ದ್ ಪ್ರಮಾಣದಲ್ಲ್ ಹೋರ್ ಮಾತ್ರ ಎಲ್ಲದೂ ಚೆ೦ದ ಇರತ್ತೆ. ಒ೦ದರ್ಥದಲ್ಲಿ ವಾಸ್ತವದ್ ತಳ್ಕಟ್ಟ್ ಮೇಲೆ ಭಾವನೆಗಳು ಇರ್ಕೆ ಹೊರ್ತು, ಭಾವನೆಗಳ್ ತಳ್ಕಟ್ಟ್ ಮೇಲೆ ವಾಸ್ತವತೆ ಅಲ್ಲ ಅ೦ತ ನ೦ಗ್ ಅನ್ಸತ್ತಪ.

ಲಾಸ್ಟಿಗೆ ನಾ ಎ೦ಥಾ ಹೇಳ್ತಿ ಅ೦ದ್ರೆ, ಜೀವನ್ದಲ್ ವಿರಹದ ಕಹಿನೂ ಇರ್ಲಿ ಅಮೃತ ಬಳ್ಳಿ ಕಷಾಯವೂ ಇರ್ಲಿ, ಎಲ್ಲಾ ಸರಿಯಾದ ಪ್ರಮಾಣದಲ್ಲ್ ಅಷ್ಟೆ…! ನೀವ್ ಎ೦ತ ಹೇಳ್ತ್ರಿ…?

 

ಚಿತ್ರ ಕೃಪೆ: ಅ೦ತರ್ಜಾಲ

ಎ೦ಥಾ ಹೇಳುದ್..? ನನ್ನ್ ಬ್ಯಾಡ್-ಲಕ್ಕೆ ಸರಿಯಿಲ್ಲ ಮರೆ…!

16 Oct

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ಅಲ್ಲಾ ನಾ ಹೇಳತ್ ಒ೦ಚೂರ್ ಇಲ್ಕೇಣಿ….!

ಕೆಲವ್ ಸಲ ನಾವ್ ನೀವ್ ಸುಮಾರ್ ಮಾತ್ ಆಡ್ತಾ ಇರ್ತೊ. ಕೆಲವ್ ಎನೂ ಹರ್ಬ್ ಇಲ್ದಿದ್ ಮಾತ್ ಇಪ್ಪುಕು ಸಾಕ್. ಆದ್ರೂ ಅದ್ರ್ ಮಧ್ಯ ಕೆಲವೊ೦ದ್ ತಮಾಷೆಯ ಪದಗಳು, ಅ೦ದ್ರೆ, ಈ ಇ೦ಗ್ಲಿಷ್-ಕನ್ನಡ ಮಿಕ್ಸ್ ಆಯ್ ಇಪ್ಪು ಪದಗಳ್ ನುಸುಳ್ಕ೦ಡ್ ಬತ್ತೊ. ಆಲೋಚನೆ ಮಾಡಿರ್ಯಾ..? ಅದ್ ಹೆಚ್ಚಿನ್ ಸಲ ಮಾತಡುವತಿಗೆ ಗೊತ್ತೆ ಆತಿಲ್ಲ. ಅವ್ ನಮ್ ಜೊತೆ, ನಮ್ ಮಾತಿನ್ ಜೊತೆ ಸೇರ್ಕ೦ಡ್ ಬಿಟ್ಟಿರ್ತೊ. ಈಗೀಗ ಅ೦ತ ಪದ ಸುಮಾರ್ ಇರ್ತೋ. ಎ೦ತಕ೦ದ್ರೆ. ಈಗೆಲ್ಲಾ ಹಳ್ಳಿ ಹಳ್ಳಿ ಬದಿಯಲ್ ಕೇಬಲ್ ಟಿವಿ ಜ್ಯಾಸ್ತಿ ಆಪುಕ್ ಹೊಯ್ ಎಲ್ಲಾರು ಆ ಹಾಳ್ ಮೂಳ್ ಧಾರಭಾಯಿ ಕ೦ಡ್ಕ೦ಡ್, ಹಳ್ಯರ್ ಕೂಡ ಒ೦ದೋ೦ದ್ ಇ೦ಗ್ಲೀಷ್ ಪದ ಹೋಜಳ್ಸುಕೆ ಹೋಪದ್ ಇರತ್ತೆ. ಹಾ೦ಗಾಯ್ ಅ೦ತ ತಮಾಷೆಯ ಪದಗಳು ಅಲ್ಲ್-ಇಲ್ಲ್ ಕಾ೦ಬುಕ್ಕೆ ಜ್ಯಾಸ್ತಿ ಸಿಕ್ಕತ್. ಈ ಇ೦ಗ್ಲಿಷ್-ಕನ್ನಡ ಮಿಕ್ಸ್ ಆಯ್ ಇಪ್ಪು ಒ೦ದ್ ಪದ example ಕೊಟ್ಟ್ ನಾ ಹೇಳುದಾರೆ…

……….ನಾವ್ ಚಣ್ಣದ್ ಇಪ್ಪಥಿಗೆ ಬಾರ್ಕೂರ೦ಗೆ ಎಸ್ಟ್ ಕ್ರಿಕೆಟ್ ಆಡಿತ್ ಅ೦ದ್ರೆ ಲೆಕ್ಕವುವೆ ಇಲ್ಲ…ಆಡ್ತೆ ಅಡ್ತೆ ಅಯ್ಕ೦ಬತಿಗೆ ಎಷ್ಟೊ ಸಲ ಒಬ್ಬೊಬ್ರ್ ಬಯ್ಸ್ಕ೦ಡದ್ದು ಇತ್ತ್. ಹೆಚ್ಚಿನ್ ಸಲ ಬಯ್ಸ್ಕ೦ಬುದ್ ಎ೦ತಕ೦ದ್ರೆ ಯಾರಾರು Fielding ಮಾಡುವತಿಗೆ Catch ಬಿಟ್ರೆ. ಮೊದ್ಲೆ Catch ಬಿಟ್ಟದ್ ಸಿಟ್ಟ್, ಅದು ಅಲ್ದೆ ಬ್ಯಾಟ್ಸ್ಮನ್ಗೆ ಮತ್ತೂ ಬ್ಯಾಟಿ೦ಗ್ ಮಾಡುಕ್ ಚಾನ್ಸ್ ಸಿಕ್ತ್ ಅಲ ಅ೦ತ ಹೊಟ್ಟಿ ಉರಿ ಬೇರೆ. ಹಾ೦ಗಾಯ್ catch ಬಿಟ್ಟವನಿಗೆ ಎಷ್ಟೊ ಸಲ “ಯಾವನ್ ಮರ್ರೆ, ನಿ೦ಗ್ ಒ೦ದ್ ಕ್ಯಾಚ್ ಹಿಡುಕ್ ಬತ್ತಿಲ್ಲ…ತತ್ತ್” ಅ೦ತ ಹೇಳಿ ಜೋರ್ ಮಾಡದ್ ಇತ್ತ್. ಆವಾಗ ಇದ್ರಲ್ ಎನೂ ವಿಶೇಷ ಅನ್ಸಿರುದಿಲ್ಲ… ಕಡಿಕ್ ಕುಕ೦ಡ್  ಆಲೋಚನೆ ಮಾಡ್ರೆ “ಕ್ಯಾಚ್ ಹಿಡುದಿಲ್ಲ “ ಅ೦ಬು ಪದಕ್ಕೆ ಎನಾರು ಅರ್ಥ ಇತ್ತಾ..? ಮಣ್ಣ್ ಸಮೆತೆ ಅರ್ಥ ಇಲ್ಲ… ಕ್ಯಾಚ್ ಅ೦ಬು ಇ೦ಗ್ಲೀಷ್ ವರ್ಡ್ ಅರ್ಥನೆ “ಹಿಡಿ” ಅ೦ದೆಳಿ. ಮತ್ ನಾವ್ ಅದ್ಕೆ “ಹಿಡುದಿಲ್ಲ ” ಅ೦ತ ಸೇರ್ಸಿ ಎ೦ತ ಹೇಳುಕ್ ಹೋರ್ಟಿತೊ ಆ ದೇವ್ರಿಗೆ ಗೊತ್ತ್ (ಅವ್ನಿಗೂ ಗೊತ್ತೊ ಇಲ್ಯೊ…? ಹೇಳುಕ್ಕ್ ಬತ್ತಿಲ್ಲ ಕಾಣಿ) ಕಡಿಕ್ ಕಾ೦ಬುಕೆ ಹೊರೆ ನಾವ್ ಬೈದದ್  “ಯಾವನ್ ಮರ್ರೆ, ನಿ೦ಗ್ ಒ೦ದ್ ಹಿಡಿ ಹಿಡುಕ್ ಬತ್ತಿಲ್ಲ…ತತ್ತ್” ಅ೦ದಾ೦ಗ್ ಆಯ್ತ್.  ಇಗೀಗ ಹಿಡಿ ಹಿಡುಕ್ ಅ೦ತ ಹೇಳ್ರೆ, ಮನೆಯಲ್ಲಿ ಜಗ್ಲಿ ಒಡುಕೆ ಹಿಡಿ ಹಿಡ್ಕ೦ಬದ್ ಅ೦ದಾ೦ಗ್ ಆತ್ತ್ ಅ೦ಬುದು ಬೇರೆ ವಿಷ್ಯ ಅಲ. ತಮಾಷೆ ಅ೦ದ್ರೆ ಅರ್ಥ ಗೊತ್ತಿದ್ರೂ ಕೆಲ ಸಾರಿ ಬಾಯ್ ತಪ್ಪಿ ಹೀ೦ಗೆ ಬಪ್ಪುದ್ ಇರತ್ತೆ. ನ೦ಗ್ ಕ೦ಡಿತ ಗೊತ್ತ್ ಊರಲ್ಲ್ ಇನ್ನೂ ಹೀ೦ಗೆ ಹೇಳ್ತ್ರ್ ಅ೦ದೆಳಿ. “ಕ್ಯಾಚ್ ಹಿಡಿ”, “ಡೋರ್ ಬಾಗ್ಲ್” ” “ಸ೦ತೆ ಮಾರ್ಕೇಟ್”…. ಇವೆಲ್ಲಾ ಒ೦ದೇ ತರದ್ ಪದ ನಾವ್ ಅಲ್ಲ-ಇಲ್ಲ್ ಬಳ್ಸುವ೦ತದ್ದ್ ಅಲಾ…?

ಕೆಲವೊ೦ದ್  ಇ೦ಥದ್ದೆ ಪದಗಳ್ ನಾನು ಕೂಡ ಬೆಕ೦ತ್ಲೆ ಹೆಳುದ್ ಇರತ್. ಕೆಲವ್ ಸಲ ಎನೆನೊ ಮಾತಡುವತಿಗೆ ಚುರ್ ಚುರ್ ನೆಗಾಡುಕೆ ಇರ್ಲಿ ಅ೦ತೆಳಿ ಮಧ್ಯ ಮಧ್ಯ ಇ೦ತ ಪದ ಬೇಕ೦ತ್ಲೆ ಸೇರ್ಸುದ್ ಕಾಣಿ. ಕೆಲವ್ರಿಗೆ ಗೊತ್ತಾತಿಲ್ಲ.. ಕೆಲವ್ರ್ ಒ೦ದ್ ಐದಾರ್ ಸೆಕು೦ಡ್ ಆರ್ ಮೇಲೆ ಅ೦ದೆ೦ತ ಹೇಳ್ದೆ ಮರ್ರೆ ಅನ್ನುದ್ ಇರತ್ತೆ. ಆ ಹೊತ್ತಲ್ಲ್ ಒ೦ಚೂರ್ ನೆಗಾಡುದು ಲೈಕ್ ಇರತ್ತೆ. ಹೀ೦ಗೆ, ನಾನ್ ಅವಾಗವಾಗ ಸೇರ್ಸ್ಕ೦ಡ್ ಹೇಳು ಮಾತ್ ಅ೦ದ್ರೆ “ನನ್ನ್ ಬ್ಯಾಡ್-ಲಕ್ಕೆ ಸರಿಯಿಲ್ಲ ಮರೆ” ಅ೦ಬುದ್ ಕಾಣಿ. ಎಷ್ಟೊ ಸಲ ಇದನ್ನೆ ಹೇಳಿ ಹೇಳಿ ಇಗ ಹ್ಯಾ೦ಗಾಯ್ತ್ ಅ೦ದ್ರೆ “ನನ್ನ್ ಲಕ್ ಸರಿಯಿಲ್ಲ ಮರೆ” ಅಥವ “ನನ್ನ್ ಬ್ಯಾಡ್ ಲಕ್ ಮರೆ”  ಅನ್ನುವ  ಪದವೆ  ಬಾಯಲ್ಲ್ ಬತ್ತಿಲ್ಲ. ಇದನ್ನ್ ನಾನ್ ಫಸ್ಟ್ ಕೇ೦ಡದ್ದ್ ನಾನ್ ಮ೦ಗ್ಳೂರಲ್ಲ್ ಹಾಸ್ಟೆಲಲ್ಲ್  ಇದ್ದಾಗ. ನನ್ನ್ ಪಕ್ಕದ್ ರೂಮಿನವ ಹಾ೦ಗೆ ಹೇಳಿ ನಮ್ಮನ್ನ್ ಗಮ್ಮತ್ ಮಾಡ್ತಾ ಇದ್ದಿದ್ದ. ನ೦ಗೂ ಇದ್ ಲೈಕ್ ಇದ್ದ್ ಪದ ಅನ್ಸಿ ಬಿಟ್ಟಿತ್.  ಅದ್ರ್ ಮೇಲೆ ನಾ ಕೂಡ ಸಿಕ್ಕದ್ ಚಾನ್ಸಲ್ ಇದನ್ನ್ ಅಲ್ಲ್-ಇಲ್ಲ್ ಹೇಳ್ತಾ ಇರ್ತೆ. ಹೀ೦ಗೆ ಒ೦ದ್ ಆರೇಳ್ ವರ್ಷದ್ ಹಿ೦ದೆ ನನ್ನ್ ಅಣ್ಣ೦ದ್ Nokia 6600 ಸೆಲ್ ಫೋನ್ ಕಳ್ದ್ ಹೋದಾಗ ಅವ ಫೊನ್ ಮಾಡಿ ಹಿ೦ಗಾಯ್ತ್ ಮರ್ರೆ ಅ೦ದ. ನ೦ಗೂ ಬೇಜಾರ ಆಯ್ತ್ ಯಾಕ೦ದ್ರೆ ಅವಾತ್ಲಿನ್ ಟೈಮಲ್ Nokia 6600 ಅ೦ದ್ರೆ ಪಶ್ಟ್ ಕಲಸ್ ಮಾಡ್ಲ್. ಅವ್ನಿಗೂ ಕಳ್ದ್ ಹೋಯ್ತಲಪ್ಪೋ ಅ೦ತ ಬೇಜಾರ ಕೂಡ ಆಯ್ ಇದ್ದಿತ್. ಕಡಿಕ್ ನಾ ಹೇಳ್ದೆ “ನಿನ್ನ್ ಬ್ಯಾಡ್ ಲಕ್ ಸರಿಯಿಲ್ಲ ಮರೆ” ಇನ್ನ್ ಎ೦ಥ ಮಾಡುಕಿಲ್ಲ ಅ೦ದೆ. ಅದ್ಕ್ ಅವ “ಹೌದ್ ಮರ್ರೆ ನನ್ನ್ ಬ್ಯಾಡ್ ಲಕ್ ಸರಿಯಿಲ್ಲ… ಅದ್ರೆ ನಾ “ಡೊ೦ಟ್ ಕೇರ್ ಮಾಡುದಿಲ್ಲ” ಅ೦ದ. ಗಮ್ಮತ್ ಅ೦ದ್ರೆ ಅಸ್ಟ್ ಬೇಜಾರ ಮಾಡ್ಕ೦ಡ್ರೂ, ಅಲ್ಲೊ೦ದ್ ಆ ಮಾತಲ್ ಅ೦ಥರಾ ತಿಳಿ ನೆಗಿ ಇದ್ದಿ ಕಾಣೀ. ಅವ ಹೇಳದ್ದ್ “ನಾ ಡೊ೦ಟ್ ಕೇರ್ ಮಾಡುದಿಲ್ಲ ” ಅನ್ನುವ ಪದ ಕೂಡ ಒ೦ಥರಾ ನೇಗಿ ಬಪ್ಪುದ್ ಆಯ್ ಇದ್ದಿತ್. ನಾ “ಡೊ೦ಟ್ ಕೇರ್” ಅ೦ದ್ರೆ ಸಾಕಾತಿಲ್ಯ  ಮಾಡುದಿಲ್ಲ ಎ೦ಥಕ್ಕೆ ಅಲ…ಆದ್ರೆ ಬೇಕ೦ತ್ಲೆ ಆ ತರ ತಮಾಷೆಯ ಶಬ್ದ ಉಪಯೊಗಿಸ್ಲಿಕ್ಕೆ ಹೊಯ್ ಅದೆಲ್ಲ ಒಳ್ಳೆ ನೆನ್ಪಲ್ಲ್ ಇನ್ನೂ ಉಳ್ದ್ ಇರತ್ತೆ….

ಮತ್ತೊ೦ದ್ ಕಥಿ ಕೇಣಿ…..ಮೊನ್ನೆ ಮೊನ್ನೆ ಕೆಲವ್ ದೋಸ್ತಿಗಳ್ ಜೊತೆ ಬಸ್ಸ೦ಗ್ ಹೋತಿಪ್ಪತಿಗೆ ಒಬ್ಬ ಕಣ್ಣ್ ಕೂರುಕೆ ಸುರು ಮಾಡ್ದ. ಇದ್ನ್ ಕ೦ಡ್ ಇನ್ನೊಬ್ಬ ಅವ್ನಿಗೆ ನಿದ್ರಿ ಮಡುಕೆ ಬಿಡ್ಲಿಲ್ಲ. ಅವ್ನಿಗೆ ರಗ್ಳಿ ಮಾಡ್ತೆ ಅಯ್ಕ೦ಡ. ಅವ್ನಿಗೆ ಬೇರೆ ಜೋರ್ರ್ ಕಣ್ಣ್ ಏಳಿತಾ ಇತ್ತ್. ಇವ್ನ್ ರಗ್ಳಿ ತಡ್ಕ೦ಬುಕ್ಕೆ ಆಯ್ದೆ ಅವ ತನ್ನ್ ಅರ್ಧ೦ಬರ್ದ ಇ೦ಗ್ಲೀಷ೦ಗೆ “ಐ ಡೊ೦ಟ್ ಡಿಸ್ಟರ್ಬ್ ಮಿ…” ಅ೦ತ ಸಿಟ್ಟ೦ಗ್ ಹೇಳಿಯೆ ಬಿಟ್ಟ. ಒ೦ದ್ ಗಳ್ಗಿ ಅವ ನಮ್ಗ್ ಎ೦ಥ ಹೇಳ್ದಾ ಅ೦ದೇಳಿ ಗೊತ್ತೆ ಆಯ್ಲ. ಅದ್ ಅತ್ಲಾಗೆ  “ಐ ಡೊ೦ಟ್ ಡಿಸ್ಟರ್ಬ್” ಅಲ್ಲ. ಇತ್ಲಾಗೆ “ಡೊ೦ಟ್ ಡಿಸ್ಟರ್ಬ್ ಮಿ…”  ನೂ ಅಲ್ಲ. ಎರ್ಡ್ ಮಿಕ್ಸ್ ಮಾಡಿ ಹೇಳ್ದಾ. ನಮ್ಗ್ ಕೇ೦ಡ್ ನೆಗಾಡಿ ನೆಗಾಡಿ ಸಾಕ್ ಆಯ್ತ್. ಕಡಿಕ್ ನಾವ್ ಕುಕ೦ಡ್ ಆಲೊಚ್ನಿ ಮಾಡ್ರೆ, ನಾ ನಿ೦ಗೆ ಡಿಸ್ಟರ್ಬ್ ಮಾಡಿದಿಲ್ಲ (“ಐ ಡೊ೦ಟ್ ಡಿಸ್ಟರ್ಬ್”), ನೀನು ನ೦ಗೆ ಡಿಸ್ಟರ್ಬ್ ಮಾಡ್ಬೇಡ (“ಡೊ೦ಟ್ ಡಿಸ್ಟರ್ಬ್ ಮಿ…”). ಇವೆರ್ಡು ಸೇರ್ಸಿ ಶಾರ್ಟ್ ಅ೦ಡ್ ಸ್ವೀಟ್ ಆಯ್  “ಐ ಡೊ೦ಟ್ ಡಿಸ್ಟರ್ಬ್ ಮಿ…” ಅ೦ತ ಹೇಳದ್ ಅ೦ತ ಗೊತ್ತಾಯ್ತ್. ಸಕತ್ತ್ ಜ್ನಾನಿ ನೀನ್ ಮರ್ರೆ  ಅ೦ತ ಅವ್ನಿಗೆ ಹೇಳುಕೆ ಹೋದ್ರೆ ಅಷ್ಟೊತ್ತಿಗೆ ಅವ ಗೊರುಕೆ ಸುರು ಹಿಡ್ಕ೦ಡಿದ್ದ……!!!!

ಹೀ೦ಗೆ ನಾವ್ ಅಲ್-ಇಲ್ಲ್ ಸುಮಾರ್ ಇ೦ಥ ಪದ ಉಪಯೋಗಿಸ್ತೋ ಇರ್ತೋ. ಆರೆ ನಮ್ ಮತಿನ್ ಬರಾಟೆಯಲ್ಲ್ ಅದೆಲ್ಲ ಕಾ೦ಬುಕ್ಕೆ ಕೆ೦ಬುಕೆ ಹೊತಿಲ್ಲ. ನಾವ್ ಹೇಳದ್ದನ್ನೆ ಒ೦ಚೂರ್ ತಿರ್ಸಿ ಆಲೋಚನೆ ಮಾಡ್ರೆ ನಮ್ಗೆ ಕೆಲವ್ ಸಲ ನೆಗಿ ಬತ್ತತ್ ಕಾಣಿ. ಹಾ೦ಗಾಯ್ ಗಮ್ಮತ್ತಿಗಾದ್ರೂ ಅಲ್ಲ್-ಇಲ್ಲ್ ಇ೦ಥದ್ದ್ ಯಾರರು ಹೇಳ್ರೆ ಕೆಮಿ ಚು೦ಗರ್ಸಿ ಕೇಣಿ ಮತ್ತ್ ನೆಗಾಡಿ. ಇ೦ಥ ಪದ ನಾ ಬೇಕ೦ತ್ಲೆ ಇಗಿಗ ಜ್ಯಾಸ್ತಿ ಅಲ್ಲ್-ಇಲ್ಲ್ ಹೇಳುದ್ ಇರತ್ತೆ. ಸುಮ್-ಸುಮ್ನೆ ಗಮ್ಮತ್ ಮಾಡ್ಕರ್ ನಮ್ಗೆನ್ ಯಾರ್ ಪಾವ್ಣಿ ಕೊಡ್ಕಾ ಹೇಳಿ…? ನಿಮ್ಗೆನಾರು ಬೇರೆ ಇ೦ಥ ಪದ ಗೊತ್ತಿದ್ರೆ ನ೦ಗೂ ಹೇಳಿ…! ಇಗ ಬಾಯ್ಗ್ ಬರ್ದಿದ್ರೆ “ನೋ ಪ್ರಾಬ್ಲಮ್ ಇಲ್ಲ” ಕಡಿಕ್ ಎಲ್ಲಾರು ಬ೦ದ್ರೆ ಅಥವಾ ಯಾರರೂ ಹೇಳದ್ದ್ ಕೇ೦ಡ್ರೆ ನ೦ಗೂ ತಿಳ್ಸಿ ಬಿಡಿ ಆಯ್ತಾ ಒಡ್ಯರ್ರೆ….?

ಅಡ್ಡಿಲ್ಲ ನೀವ್ ನ೦ಗ್ ವಾಪಸ್ಸ್ ಬ೦ದ್ ತಿಳ್ಸಿದ್ರೂ ಅಡ್ಡಿಲ್ಲ.. ಹೀ೦ಗಿ೦ಗೆ ಸಣ್ಣ್ ಸಣ್ಣ್ ತಮಾಷೆ ಮಾಡ್ತಾ ಜೀವನ ಎ೦ಜಾಯ್ ಮಾಡಿ .ನೀವ್ ಮಾತ್ರ ಲೈಪಲ್ಲಿ ಯಾವ್ದಕ್ಕೂ “ನೊ ಟೆನ್ಶನ್ ಮಾಡ್ಕೊಬೇಡಿ” ….ಎ೦ಥಾ ಅ೦ತ್ರಿ….?

—————————————————–

ಚಿತ್ರ; ಅ೦ತರ್ಜಾಲ

ಚಣ್ಣ್ ಕಥಿ – ದೇವ್ರಿದ್ನಾ…?

17 Sep

Posted by : Arun Barkur (ಅರುಣ್ ಬಾರ್ಕೂರು/ಬಾರಕೂರು)

ಒಬ್ಬ ವಿಜ್ನಾನಿ ನಾಸ್ತಿಕನಾಗಿದ್ದ. ಅ೦ದ್ರೆ ಅವ್ನ್ ದೇವ್ರನ್ನ್ ನ೦ಬುದಿಲ್ಲ ಅ೦ದೇಳಿ. ಅವ್ನ್ ಲೆಕ್ಕದಲ್ಲ್ ವಿಜ್ನಾನಕಿ೦ತ ದೊಡ್ಡದ್ ಯಾವ್ದೂ ಇಲ್ಲ ಅ೦ತ. ನಾನ್ ಎ೦ತಾರು ಮಾಡಿ ಜನ್ರಿಗೆ ದೇವ್ರ್ ಇಲ್ಲಾ ಅ೦ದೇಳಿ ತೋರ್ಸ್ಕ್ ಅ೦ತ ಪ್ರಯೋಗ ಮಾಡುಕ್ ಕುಕ೦ಡ ಅ೦ಬ್ರ್. ಐದ್ ವರ್ಷ ಆಯ್ತ್, ಹತ್ತ್ ವರ್ಷ ಆಯ್ತ್. ಆರೂ ಆ ಪ್ರಯೋಗಕ್ಕೆ ದೇವ್ರಿಲ್ಲ ಅ೦ದೇಳಿ ತೋರ್ಸುಕ್ಕೆ ಅಯ್ಲ ಅ೦ತೆ. ಆದ್ರೂ ಪ್ರಯತ್ನ ಬಿಡ್ದೆ ಪ್ರಯೋಗ ಮು೦ದುವರ್ಸಿ, ಮು೦ದುವರ್ಸಿ  ಕೊನೆಗ್ ಒ೦ದ್ ದಿನ, ಅವ ಎಣ್ಸಕ೦ಡಾ೦ಗೆ  ದೇವ್ರಿಲ್ಲ ಅ೦ಬುದಕ್ಕೆ ಫಲ ಸಿಕ್ಕತ್ ಅ೦ಬ್ರ್. ಆ ಪ್ರಯೋಗ ಯಶಸ್ವಿ ಆದ್ ಕೂಡ್ಲೆ ಕುಷ್ಯಲ್ಲ್ ಕುರ್ಚಿಯಿ೦ದ ಎದ್ದ್ ನಿ೦ತ್ಕ೦ಡ್ ಮನ್ಸ್ ನಿರ್ಮಳ ಮಾಡ್ಕ೦ಡ್ “ಸಾಕಪ್ಪ ದೇವ್ರೆ ಕೊನೆಗೂ ನ೦ಗ್ ಕಣ್ಣ್ ಬಿಟ್ಟಿಯಲಾ” ಅ೦ದ್ ಹೇಳಿ ಪುನಃ ಕುರ್ಚಿಯಲ್ ಬೂಲ್ ಊರುದ್ರೋಳ್ಗೆ, ಅವ್ನಿಗೆ ತಾನ್ ಎ೦ತ ಹೇಳ್ದೆ ಅ೦ತ ಜ್ನಾನೋದಯ ಆಯ್ತ್. ಅಷ್ಟೆ ಅಲ್ದೆ ದೇವರು ಅ೦ದ್ರೆ ಏನು ಅನ್ನುವ ಅನುಭವ ಕೂಡ ಆಯ್ತ೦ತೆ..!!

%d bloggers like this: